Real Madrid chuan official takn an manager Zinedine Zidane chhuah thu an puang.
Kum 48 a upa Zidane’an Real Madrid a chhuahsan chungchangah club lamin statement an nei ve nghal a, “Tunah chuan a thuthlanna zah sak hun a ni, kan duhna te professional takin min tih hlawhtlinsak, kum 3 chhung teh meuh mai Real Madrid tan a theihna te a chhuah ve a ni.” tiin an chhuah.
“Zidane hi Real Madrid thawnthua miropui tak pakhat a ni, kan club tan player leh manager legend a ni. Real Madrid a ngaihtuah zia a hria a, englai pawhin Real Madrid hi a in (home) a ni ang.”
Frenchman hian 2010 season hnu lamah trophy la lova club a chhuahsan vawi khatna a ni a, Los blancos-ah vawi 2 nan hun a hmang a, hemi chhung hian trophies 11 lai a chawi a ni.
Read More (Donnarumma-A’n AC Milan A Chhuahsan Dawn Chiang Tawh)
AC Milan chuan an goalkeeper Gianluigi Donnarumma an chan ngei dawna, Donnarumma hian June thla ral rualin a contract neih lai a hmang zo dawna, hemi hnu hian an inthen tur thu AC Milan technical director Paolo Maldini chuan a sawi.
Italian goalkeeper hian kum 16 mi lek a nihin Milan tan a game hmasa ber a khela, insawhnghet zuiin, season ruk liamta chhung khan Milan si ban nghaktu ber a ni a, Milan-a a zinkawng chu a tawp dawn ta rih a ni.
Kum 22 mi Donnarumma hian club zawm tur lamah buaina a neih a rinawm loh hle a, club tam tak nensawizawm a ni a, Chelsea chu a langsar ber an ni nghe nghe.Maldini chuan Donnarumma chungchang zawhna chhangin, “Professional hi chuan a tul chuan an kawr hak an thlak hreh tur a ni lova, club pakhata career bul tana, career hman zawh thak hi a harsa tulh tulh tawh.
“Milan tana theihtawp chhuah te hnena lawmthu sawi hi kan bat a ni a, Gigio pawh hian kan club tan theih tawp a chhuaha, club a zah lo ngai lo. Kan zinkawng chu heti hian a inthen dawn ta a, duhsakna sang ber ka hlan mawlh mawlh a ni,” a ti.
AC Milan hian Donnarumma thlaktu tur an lalut thuai dawnin a langa, Ligue 1 champion Lille goalkeeper Mike Maignan chu an lalut fel tep tawh niin tarlan a ni.
Chanchinbu mi rintlak te tarlan danin Maignan hian Milan-ah medical a nei fel tawh nia an sawia, kum 2026 thleng daih contract a ziak dawn.
Milan hian French keeper Maignan manah hian euro maktaduai 13 an thehchhuak nia sawi a ni a, add-ons nen Maignan-a man hi euro maktaduai 15 vel kai chho tura ngaih a ni.