Brazil legend Ronaldo’an tun dinhmuna khawvel striker tha a tih ber a sawi

Brazil leh Real Madrid legend Ronaldo Nazario hnenah tun dinhmuna football khawvel striker tha a tih ber thlan tir a ni. Brazil international hian French international Karim Benzema chu tun dinhmun football khawvela striker tha ber a nih thu Bobo Tv a hrilh.

He show hi Ronaldo teammate hlui Christian Vieri leh Antonio Cassano te host niin, footballer hlui Nicolas Ventola leh Daniele Adani te pawh an tel a ni. Vieri leh Brazilian striker Ronaldo hi Inter Milan lamah khan an lo awm dun tawh a, Cassano erawh Real Madrid lama a teammate hlui a ni.

Tun dinhmuna khawvel striker tha ber tih hmangin an inzat a, Ronaldo Nazario chuan Benzema a thlang a ni. A pahnihnaah Bayern Munich Robert Lewandowski a thlang bawk. Ronaldo Nazario hian player naupang zawk atang Kylian Mbappe leh Erling Haaland chungchang sawiin a fak hle.

Ronaldo’an khawvel striker tha berah Benzema a thlan hnuin, a dinhmun luahtu tur hming a sawi bawk.

“Rinhlelh rual lovin Benzema ka thlang, a dawtah Robert Lewandowski ka thlang bawk. Haaland hi engtikniah emaw chuan pakhatna a ni ngei ang, mahse, tun dinhmunah rih chuan Benzema tluk thei reng an la awm lo. Mbappe pawh hi a a strong hle. Real Madrid in €50 million lai maiin an la tih ka chhiar, Kan khelh hun kha a hun lo hle a ni” tiin Ronaldo chuan a sawi.

Former Real Madrid striker Ronaldo Nazario

Source SL

Related Posts

error: Content is protected !!