Best FIFA Men’s Player Award pawh hi football khawvelah mimal chawimawina sang ber pakhat a ni. Best FIFA Men’s Player Award hi Ballon d’Or ai a sang zawk kan ti thei mai thei. Best FIFA Football Award hi nakum January ni 17 ah hlanna hun (ceremony) neih a ni ve ang.
Best FIFA Men’s Player Award hian voting system dangdai tak an hmang
Ballon d’Or leh Best FIFA Men’s Player Award voting system hi a inang lova. Ballon d’Or lam hian Journalist, National team Captain leh coaches te atangin vote an la a ni.
Hetihlai hian Best FIFA Men’s Player Award lamin vote an lak dan hi a danglam deuh hlek. Vote neite chu categories 4 ah an then a, national team captain, national team coach, media representatives leh fans atang tein an la a. Heng vote nei thei kan sawi tak categories 4 te hian 25% theuh vote annei a ni.
Kum 2020 ah khan Robert Lewandowski chuan he chawimawina hi alo dawng tawh a. Tun tumah erawh dawng theitu tur hriat lawk a harsa hle. Best FIFA Men’s Player Award dawng thei tura rinkai top 5 ranking kan rawn tarlang ve leh e. An number hi an ranking a ni nghal e.
5 Mohamed Salah (Egypt/Liverpool)
4 Karim Benzema (France/Real Madrid)
3 Jorginho (Italy/Chelsea)
2 Lionel Messi (Argentina/Paris Saint-Germain)
1 Robert Lewandowski (Poland/Bayern Munich)
Kumin Best FIFA Men’s Player Award hi Robert Lewandowski hian a dawn ngei a rinawm. A chhan chu Ballon d’Or pawh kha dawn a phu viau niin mitamtakin an sawi. Nikum lamah he award hi dawng tawh mahse, kuminah pawh hian a dawng leh nawlh mai thei.
Source SK