Real Madrid in tun summer transfer ah Kylian Mbappe la lut theilo mahse, Real Madrid hian an project thar lam an buaipui nghal dawn niin a lang.
Kan hriat angin Real Madrid senior team player Sergio Ramos leh Raphael Varane chuan Real Madrid an chhuahsan a, hetihlai hian David Alaba leh Eduardo Camavinga an la lut ve bawk.
Paris Saint-Germain atangin Kylian Mbappe la lut theilo mahse, nakum summer transfer-ah chuan PSG lama a contract neih a zo dawn a, an lak luh theih tawh ngei a rinawm.
Mbappe chauh hi Real Madrid in world class player an duh ani lova, Borussia Dortmund star Erling Haaland leh Manchester United star Paul Pogba pawh hi an lak luh tum zingah an langsar hle.
Renewals
Real Madrid hian player tha an kawl nual a, player tha dang pawh an lak luh ngei a rinawm, Heng a hnuaia kan tarlan Real Madrid player 7 te hi Real Madrid thar, Bernabeu tharah pawh an la khelh theih ngei a rinawm.
Lucas Vazquez hian kum 2024 thleng contract a nei a, chutiang zelin Nacho (2023), Dani Carvajal (2025), Thibaut Courtois (2026), Karim Benzema (2023) leh Fede Valverde (2027).
A pariatnaah Luka Modric hian 2022 zawh thleng contract ala nei a, a chet that dan azirin Bernabeu tharah hian a khelh theih a rinawm.
Player chhuak tura rinkai
Marcelo, Isco leh Gareth Bale te hi chuan Real madrid an chhuahsan thuai a rinawm a, June 2022 a zawh meuh chuan club an chhuahsan ngei tawh ang le.
Nakum atang chuan Real Madrid hi an tha leh viau tawh maithei a ni.
Source Sl