Borussia Dortmund in Besiktas an hneh tum khan Borussia Dortmund rawlthar Jude Bellingham chuan UEFA Champions League record pahnih a siam a ni. Record pakhat zawk phei hi chu Kylian Mbappe pawhin alo siam ve tawh a ni.
Borussia Dortmund in Turkish club lian Besiktas chu 2-1 in an hneh a, Dortmund in goal 2 an khungah hian kum 18 a upa Bellingham hi a inhnamhnawih ve ve a ni.
Goal khatna hi Bellingham khung a ni a, minute 20 naa a khung a ni, minutes 48 na velah Erling Haaland chuan goal 2 na a rawn khung ve leh a, he goal hi Jude Bellingham assist a ni.
A goal khung avang khan Jude Bellingham chu UEFA Champions League history bikah match zawna goal khung thei naupang ber a nih thu Goal in an tarlang.
Bellingham hian kum 18 leh ni 78 a nihin UEFA Champions League goal a khung a, he record neitu Kylian Mbappe hian kum 18 leh ni 85 upa a nih in alo khung ve bawk, mahse, Bellingham hian a khum ta a ni.
Hei mai bakah England international Jude Bellingham hia English player zingah Champions League away-a goal khung thei naupang ber a ni bawk.
18y 78d – Jude Bellingham is now the youngest Englishman to score away from home in the UEFA Champions League. Fearless. pic.twitter.com/BFdmvSAVLs
— OptaJoe (@OptaJoe) September 15, 2021
Nikum July thla khan Midfielder Jude Bellingham hian Birmingham City atang Dortmund hi a zawm a, club tan match 53 ah inlan tawhin goal 14 a khung tawh a ni. Bellingham hi a hmalam hun a eng hle.
Source SL