Bellingham lalut tura Man Utd aia dinhmun tha zawk Liverpool

European club lian te duhrawn Jude Bellingham lalut turin Premier League club Liverpool chu dinhmun tha ah an awm mek.

Bundesliga lama hming chher tak Jude Bellingham hi English te club te helrawn a ni a, The Three Lions midfielder hian Borussia Dortmud ah 2025 thleng contract a la nei. Kum 19 chauh a la upa hian 2020 khan Birmingham City atangin Borussia Dortmund hi a zawm a ni.

Chanchinbu lar leh rintlak Telegraph tarlan dan in Bellingham lalut tur hian Manchester United aiin Liverpool lam dinhmun a tha zawk. Bellingham hian tun season league game 9 ah German club tan inkhelh bul a la tan vek a, nilai zanlai khan Champions League a Manchester City an hmachhawn tum in goal khat a khung bawk.

Transfer bazar hnuhnung ber khan Bellingham leh Liverpool te sawizawm an hlawh hle a, mahse Dortmund lam chuan an rawlthar hi an chelh bet thei hram. Nakkum transfer bazar inhawn hunah erawh Bellingham hian club dang a pan a rinawm a, Dortmund lam hian an midfielder thangduang tak manah £87 million an chhiar niin report chuan a tarlang ve bawk.

Man Utd, Man City leh Chelsea te nena sawizawm Bellingham lalut turin Liverpool dinhmun a tha a, Reds in an lalut theilo hlauh anih chuan Wolverhampton midfielder Matheus Nunes lam an hawi ang.

Related Posts

error: Content is protected !!