Beckham fapa pawhin a vawikhatna atan Senior game a khel ve ta

A pa hnuhnung zui tum tlat Romeo Beckham chuan a vawikhatna atan professional football-ah senior game hmasa ber a khel ve ta.

David Beckham club Inter Miami chuan friendly match-ah Peruvian club Universitarios an hmachhawn a, hemi tum hian kum 19 a upa Romeo Beckham pawh khel vein, hei hi (unofficial debut) erawh a ni lo.

Inter Miami head coach Phil Neville chuan Romeo hi a vawikhatna atan senior game a khelh tir a, Neville leh Romeo-a pa Beckham hi thian inkawmngeih tak anni a, Manchester United youth ranks atanga first team club thlengin an lo awm dun tawh a ni.

Inter Milan in Universitarios chu 4-0 lai maia an hneh tum hian, Midfielder Romeo Beckham hian jersey number 37 a inbel a, substitute atang a lut a ni. He match-ah hian Neville fapa Harvey pawh khel vein goal a khung nghe nghe.

Teeanger pahnih te hi a hma pawhin Inter reserve team Fort Lauderdale tan an khel tawh a, tun season khelh mekah pawh hma an sawn chhoh zel a rinawm.

Romeo a luh lai hian Real Madrid leh Argentina striker hlui Gonzalo Higuain pawh a khel ve a ni, ani hi Inter Miami player hlawh hnem ber a ni mek.

Source SK

Related Posts

error: Content is protected !!