Bayern in Lewandowski thlak tu atan Ronaldo an duh

Polish striker kum 33 a upa Robert Lewandowski an Munich chhuahsan a duh avangin club lamin a thlaktu tur an zawng mek zel a, European top striker tha tak tak te nena sawizawm niin chung zingah pawh Manchester United striker Cristiano Ronaldo a tel.

Karthum vel liam ta khan England a report pakhat chuan Cristiano agent Jorge Mendes chu Ronaldo transfer chungchangah Bayern hotute nen an in bia. Spanish AS tarlan danin kum 37 a upa Ronaldo chu Lewandowski thlaktu atan Bayern lamin an duh.

Ronaldo hian Old Trafford ah kum 2023 thleng contract a la nei a, kum 37 a upa ni tawh mahse a hlut zawng hi euro 30 million vel a chhut a la ni. Nikum khan Juventus in Portuguese striker hi hralh an pawi ti loh avangin Red Devils lamin Ronaldo manah euro 15 million vel chauh an inseng. Ronaldo hian a hlawh atangin kum khat ah euro 30 million vel dawn a lalut.

AS tarlan dan chuan Ronaldo leh a agent pawh in Bayern hotute chu tha tak a indawrna neih pui an duh a, Champions league khel tur team leh nomawi lian tham chawi duh Ronaldo an Munich pan a hnial lova, european club lian dang te pawn Ronaldo an iai lo bawk.

Ronaldo hian German champion zawm duh mahse kum khata a hlawh tur euro 30 million chu Bayern lam hian pek an inhuam lova, a zawm duh tak tak anih chuan hlawh tlem zawk a pawm thiam a ngai ang.

Ronaldo hian nikum khan Manchester United tan league match 30 a inlan atangin goal 18 leh assist vawi 3 neiin a team chu league table ah parukna dinhmun a luahpui.

Related Posts

error: Content is protected !!