Spanish club lian FC Barcelona chuan player inthleng chungchangah plan an nei a, Juventus Superstar Cristiano Ronaldo chu hunrei tak a elpui lo ni tawh Lionel Messi kiangah a khel thut thei niin report in an tarlang.
AS in a tarlan dan chuan Catalan club hian Juventus forward C Ronaldo chu swap deal hmangin lak luh an tum thut thei niin a tarlang.
Kar thar lo awm turah hian FC Barcelona superstar Lionel Messi chuan contract thar a sign a rinawm a, FC Barca president thar Joan Laporta chuan Juventus superstar C Ronaldo chu lak luh a tum tan der tawh niin an sawi. Kan hriat angin kum 2009 atanga 2018 thleng khan Real Madrid-ah a khel a nih kha.
Laporta hian superstar pahnih hmunkhata an khelh chu a duh ber pakhat a nih thu an sawi a, mahse, tunah hian deal chungchangah eng thu mah a la chiang lo.
FC Barcelona president Laporta hian transfer chungchangah pangai takin Ronaldo agent Jorge Mendes a la be lova, mahse, Sergi Roberto, Philippe Coutinho leh Antoine Griezmann chu Portugal captain C Ronaldo an lak luh theihna tur atan thleng puiah an phal tawh niin report in a tarlang.
Ronaldo leh Real madrid relationship avang hian atan FC Barcelona zawm chu thil awlsam tak a nih a rinawm lova, tunah hian Real Madrid tana goal khung tam ber ni mekin, match 438 a khelh atang goal 450 lai a khung tling a ni.
Source Sl