Spanish club lian FC Barcelona chuan Manchester City leh Portugal playmaker kum 27 a upa Bernardo Silva an duh.

Press conference neih hnuhnun berah City boss Pep Guardiola chuan Bernardo Silva chu Etihad a a la cham zel a rin thu sawi mahse a chhuak duh anih chuan chelh an tum lo thung.

Tun nipui transfer bazar kal mek ah Barcelona leh Silva te sawizawm an hlawh hle a, report in a tarlan dan in SL Benfica leh AS Monaco midfielder hlui B Silva lakluh nan Barcelona chuan euro 80 million vel sen an inhuam.

Man City in an player hi chhuahtir tum lo viau mahse Barcelona lam erawh chuan lalut turin an inringtawk hle niin Journalist lar Helena Condis in a tarlang.

Barcelona chuan Silva lakluh nan De Jong chu Etihad lam pan tir mai duh mahse City in Dutch midfielder chu lakluh tumna an nei lem lo, hetih lai hian an thenawm club Man Utd erawh in lakluh tumin tan an khawh hle. Barcelona in Man Utd lama De Jong an chan anih chuan a hralhna man atangin Silva lakluh an tum tho dawn ani.

Silva hian nikum khan City tan league game 35 inlan in goal 8 leh assist vawi 4 a nei. A team City chu league nomawi a humhimpui bawk.

Sum lama buai ru tak Barcelona in tun nipui transfer bazar ah player tha tak pahnih Lewandowski leh Kounde te lakluh an duh a, hei mai nilovin a pathumna turin Silva lam an la hawi cheu.

Related Posts

error: Content is protected !!