Spain atanga source hrang hrang te tarlan dan chuan Barcelona hian kum 23 a upa Arthur Cabral chu lak luh an duh niin an tarlang. An lak luh duh chhan pawh Sergio Aguero hi hunrei tak a chawlh a ngai maithei. Brazillian striker hi tunah hian Switzerland club Basel tan a khel mek.
Barcelona hian player an lak luh dawn chuan an sum dinhmun hre reng chunga an chet a ngai dawn a, mahse, Xavi Hernandez hian a duh ber player lak luh theihna a neih ngei a rinawm. Kum 23 a upa Cabral hian season duhawm tak a hmang mek a, games 24 a khelh atangin goal 23 lai a khung tawh a ni. Basel hian Europa Conference League an khelh phak thei dawn niin a lang.
Cabral hi Barcelona transfer shorlist-ah an tel a, vawi tam tak an lo thlithlai tawh niin an sawi. Barcelona hian Cabral an lak luh theihna tur atan ex-player leh Barca legend ni bawk Deco chu an hmang dawn niin an sawi bawk.
An sawi danah Deco hian Cabral agent Paulo Pitombeira a be tawh niin an sawi. Kan sawi tawh angin Deco hi Basel leh Barcelona kara inremna siamtu tur a ni. Basel chuan kum 2023 thlenga awm turin Cabral hi Palmeiras atang €6 million in an la lut a ni.
Source SK