Barcelona in June thla-ah Chelsea star lak luh an tum ruh hle

Summer transfer lo awm turah khian FC Barcelona chuan Chelsea star Cesar Azpilicueta lak luh an tum ruh hle niin report in a atarlang. Fabrizio Romano atanga report hnuhnung ber tarlan dan chuan. FC Barcelona hian June transfer window inhawn huna Spaniard hi free agent-a lak luh an duh a, kum 2024 thleng contract an offer dawn niin a sawi.

Chelsea hian tun atanga thla rei vak lovah centre backs pathum free agent-a chhuak mai tur an kawl a. Antonio Rudiger, Cesar Azpilicueta leh Andres te hi anni. Tunah hian an contract neih hnuhnung ber kum an hmang mek a, Summer transfer-ah an contract neih a zo ang.

Chelsea lam hian an player pathum te hi contract pawhsei sak an tum ve viau chuan an sawi a. Mahse, player lam atangin engmah an la dawng thei lo, engtikah nge contract an pawhsei dawn tih pawh ala hriat loh.

Europe club tha dang te pawhin Azpilicueta, Rudiger leh Christensen te dinhmun an hrechiang hlawm tawh a. Kar tlemte liamta vel atang khan anmahni duhtu club te pawh an rawn lang tan tawh a, June thla khian free agent a an lak theih dawn avangin, an hmanhmawh vak lo.

Antonio Rudiger duhtu zingah hian Real Madrid, Manchester United leh Bayern Munich te an langsar hle a. Hetihlai hian Azpilicueta leh Christensen erawh FC Barcelona radar-ah an awm mek.

Transfer expert Fabrizio Romando’an a tarlan hnuhnung berah chuan, Barcelona hian Chelsea atang Cesar Azpilicueta chu lak luh an tum tan dawn niin a sawi. Catalans club lam pawhin Azpilicueta agent an be rawn tawh niin a sawi bawk. Barcelona lam hian kum 2 daih contract an offer a, kar lo awm tur hi Azpilicueta tan chuan kar pawimawh tak a ni ngei ang le.

Barcelona in June thlaah Chelsea star Andreas Christensen lak luh an tum

Premiere League heavyweights Chelsea hian June thla khian Barcelona lakah an centre back pahnih Azpilicueta leh Andreas Christensen chu an chan thut thei. Rabrizio Romano sawi dan chuan, Catalans club hian Chelsea atanga Andreas Christensen lak luh chu an duh tak zet thu a sawi. Kum 25 a upa hmalam hun eng tak nei hian Chelsea mangtha in Barca a pan mai lovang maw? Offer te a that deuh phei chuan a pan mai a rinawm.

Source SL

Related Posts

error: Content is protected !!