Barcelona in Chelsea leh Man Utd target man tur an tuk – Report

Barcelona chuan Chelsea leh Manchester United target Ronald Araujo chu summer transfer lo awm turah hian hralh chhuah an tum dawn niin report in a tarlang. Barcelona lamin an centre back man atan hian €60 million lai an hauh a ni.

El Nacional in a tarlan dan chuan Barcelona manager Xavi hian kum 22 a upa defender hi Camp Nou lama la awmtir rih chu a duh niin an tarlang. Mahse, Barcelona president Joan Laporta erawh chuan sum lama harsatna an tawh avangin hralh chhuah lam a rilruk niin an sawi bawk.

Ronald Araujo hi Premiere League club tamtakin duh mahse, Manchester United leh Chelsea hi amah latu tura rinkai ber anni mek.

Kum 2018 khan Araujo chuan Boston River atang Barcelona B a zawm a. Kum 2019 khan La Liga match hmasa ber khelin, kum 2020 khan Barcelona main team ah a kai chho. Barcelona main team tan all competion ah match 53 lai mai a inlan tawh a ni.

Barcelona fans te chuan Araujo hi Gerrard Pique thlaktu tur a nih an ring, Pique hi a upa tawh ang reng a, kum 34 lai a tling tawh a ni. Mahse, Laporta erawh chuan an rawlthar hi hralh chhuak a duh avangin a man tur pawh a sawi chhuak. Manchester United leh Chelsea hian lak tumin an thlithlai reng niin an sawi.

Araujo’an tuna release clause a neih hi €200 million lai a ni a, mahse hei hi Laporta harsatna ber a ni lo. Amah lei duhtu ten €60 million an pek theih chuan an lei thei dawn a ni.

Season thar lo awm turah Manchester United leh Chelsea ten an defence line tih chak an tum dawn. Barcelona defender Araujo hi an buaipui hmasak ber tur a ni

Tun season hian Manchester United leh Chelsea te hian defence lam an nei tha ang reng a. Chelsea chuan Premiere League khelh mekah goal 6 chiah an la chhuah. Hetihlai hian Manchester United lam erawhin goal 22 lai chhuah tawhin chhuah hnem ber pakhat anni mek.

Tun dinhmunah Chelsea hian defence nei tha rih viau mahse, season tharah khian an player thenkhatte an chan maithei.

Thiago Silva hi kum 37 a upa a ni tawh a, hunrei tak a cham a rinawm lo. Chutiang bawkin Antonio Rudiger pawhin club chhuahsan a tum niin sawi a tam hle.

Summer transfer lai khan Manchester United chuan Real Madrid atangin Raphael Varane an la lut a, a khelh tawh chinah a che tha viau, mahse, a hun tam zawk hi hliam a neih avangin chawlh nan a hmang thung.

Harry Maguire leh Victor Lindelof te an che tha vak lo, hei vang hian an defence lam thuam chak an mamawh hle.

Source SL

Related Posts

error: Content is protected !!