El Nacional in a tarlan dan chuan Catalan club lian lamin an defender Jordi Alba thlaktu tur player an zawng niin a tarlang. Alba hi Barcelona boss thar Xavi Hernandez hnuaiah duh angin a che tha lova, a chhawr vak lo.
Hei vang hian FC Barcelona lamin Jordi Alba thlaktu tur shorlist player 3 hming an ziak chhuak niin an sawi a. Heng shortlist an ziah chhuahah hian Alejandro Grimaldo, Jose Gaya leh Ramy Bensebaini te an tel a ni.
SL Benfica full back Grimaldo hi Nou Camp lama Alba thlaktu tura rinkai ber pakhat a ni mek. Kum 26 a upa Grimaldo hi Valencia Youth team atang La Masia Academy a zawm a, heta tang hian a graduate a ni. Kum 2016 a Benfica a pan hma khan Catalan B team tan pawh a khel ve hman.
Grimaldo hi Spain mi niin, Portuguese club lian Benfica tan hian match 224 lai inlan tawhin goal 16 a khung mai bakah assist vawi 45 lai a nei tling tawh. Mahse, Grimaldo hi a ram Spain tan erawh ala khel bik lo.
Barcelona hian Valencia star Jose Gaya pawh hi an shortlist ah an telh a, a hma atang tawhin sawi zawm an lo ni tawh. Transfer window hnuhnung berah pawh khan Barca lamin lak luh an tum a, mahse, Los Murcielagos lamin Barca ngam zat chu an hnawl sak a ni.
Gaya hi a naupan deuh lai atang tawhin Valencia tan alo khel tawh a, first team tan match 272 ah inlan tawhin, goal 8 a khung mai bakah assist vawi 32 lai a nei tling. Kum 26 a upa Gaya hi Spain team tan match 17 inlan tawhin, goal 3 a khung mai bakah assist vawi 4 a nei mek.
A tawpberah chuan Ramy Bensebaini hi a ni, Borussia Monchengladbach tan a che tha hle. Bensebaini hian German club tan match 68 inlan tawhin goal 14 a khung a, assist vawi 6 a nei tling mek.
Kum 26 a upa Bensebaini hi a ram Algeria tan match 41 inlan tling tawhin, goal 5 a khung mai bakah assist vawi 3 a nei tling. Talent nei tha tak a ni a, Barcelona in Grimaldo leh Gayer an la lut theilo a nih chuan, an lak luh ngei a rinawm.
Jordi Alba hian Barcelona lamah career duhawm tak a hmang.
Kum 2012 summer transfer lai khan Jordi Alba chuan Valencia atang Barcelona a zawm a. A awm chhungin career duhawm tak a hmang.
Season khatna FC Barcelona tan match 44 a inlan nghal a, goal 5 a khung mai bakah assist vawi 5 a nei tling nghal. FC Barcelona a zawm tir phat atangin Barcelona Xi ah a awm nghal a, Lionel Messi nen an inkawp fuh ang reng hle.
FC Barcelona tan all competion ah match 400 a inlan tling tawh a, goal 22 a khung mai bakah assist vawi 86 lai a nei tling.
Trophy lamah pawh a hlawhtling thawkhat viau, kum 9 hun a hman tawhnaah khan La Liga title 5, Copa del Rey trophies 5 leh UEFA Champions League nomawi 1 a chawi pui a ni. Hei mai bakah kum 32 a upa hian Supercopas de Espana 3 leh FIFA Club World Cup nomawi a chawi pui bawk.
Source Sl