Barcelona star hluiin bench luahlumtu ber alo nih thin chu a ngai pawimawh lo niin a sawi a, Spanish club lian Barca hian sum tamtak an offer niin a sawi bawk.
Cameroonian midfielder Alex Song hi Arsenal-ah kum 5 chhung a khelh hnuin, kum 2014 khan Camp Nou lamah a insawn a, kha tih laia a hlutna chu €19 million a ni.
Barcelona lama Alex Song hian kum 4 chhung hun a hmang ve hman a, hemi chhung hian match 65 ah a inlan ve a ni. Barca a zawm hma khan starter a nih loh tur thu an hrilh hmasa niin a sawi bawk.
“Barcelona in contract min offer lai khan, engzat nge ka hlawh dawn tih chu ka hmu tlang sa vek, a let hnih tih vel chu ka ngaihtuah lo hrim hrim.” tiin Song chuan Instagram chat hmangin NBA star Pascal Siakam a hrilh niin The Sun in a tarlang.
“Ka nupui leh fa ten, ka career a tawp hunah chenna atan nuam an ti ang em tih chu ka ngaihtuah pakhat a ni.”
“Barcelona Sporting director ka hmu a, ani chuan game ka khelh tam loh tur thu min hrilh, mahse, ka ngai pawimawh lem lo, millionaire ka ni thei dawn tih chu ka hria.”
“Ka duhna piangah ka bazar thei a, zanah pawh ka chhuak thei.” tiin a sawi bawk.
Source SL