Barcelona atanga offer dawng duh Di Maria in Juventus innghahtir

Argentine forward Angel Di Maria chuan Barcelona atanga offer a dawn duh avangin Juventus a innghahtir mek niin Report in a tarlang.

Tun nipui transfer bazar ah Barcelona chuan an hmatawng lam tichak turin hma an la mek zel a, tun thla tawp a Camp Nou a contract hmang zo tur Dembele an club a chhuahsan dawn em tih a la chian loh avangin Barcelona lam hian forward lakluh an hmanhmawh lo. Demebele hma hun a chian hunah an che tan tak tak ang.

Dembele an club a chhuahsan dawn anih chuan Barcelona hian Leeds forward Raphinha leh PSG a contract hmang zo mai tur Angel Di Maria te lakluh an duh ang.

Kum 34 a upa Di Maria hian chawlh a hmang mek a, a hma hun tur ah thutlukna siam a hmanhmawh lem lo. FC Barcelona atanga offer a hmuh hmasak duh phawt avangin Serie-A club Juventus a innghahtir mek.

”Juventus hi Serie-A a club ropui ber ani a, club dang pakhat pawn min bia. Tunah hian ka hma hun tur chu ka ngaituah tan ve neuh neuh a mahse ka chawlh hman mek leh ka chhungkua ah te hian hun leh rilru sen ka duh rih” tiin Angel Di Maria an ESPN a hrilh.

Real Madrid tan pawh a lo khel tawh Di Maria hian season hmasa khan PSG tan inelna hrang hrang match 31 ah a inlan.

Related Posts

error: Content is protected !!