Barca squad atang player pathum chiah Xavi plan-ah an awm

Barcelona chuan an squad atang Ansu Fati, Gavi leh Nico Gonzales te chiah an manager thar Xavi Hernandez plan ah an awm thei dawn niin Catalonian television channell pakhat Esport3 in a tarlang. Heng player pathum te chiah hi Barcelona team tana la awmchhunzawm zel thei tura ngaih te anni.

Ansu Fati

UEFA Champions League group stage atanga an tlak hnu khan an history-a record duhawm lo tak tak an siam chhuak a ni. Tun season La Liga khelh mekah pawh Blaugrana hi pasarihna dinhmun chauh an la hauh pha a, League hmahruaitu leh an elpui ber ni bawk Real Madrid chu point 16 lai maiin an hlat mek.

FC Barcelona hian an nihna tak tak nih let leh theihna turin thla hmasa khan Ronald Koeman chu banin an club legend Xavi chu an la lut.

Xavi’an FC Barcelona a enkawl hnuah thil inthlakdanglam em em hmuh tur ala awm rih lova, Europe lamah tha ber nihna hauh let leh theih ngei an inbeisei. FC Barcelona hian transfer market inhawn hunah insiamremna hun an nei thei dawn a, player tha deuh an lak luh ngei a rinawm.

Spain leh Europe lama che tha thei turin Xavi hian a squad te chu rem tha turin plan a nei a, kum 41 upa Xavi chuan a team a player zawng zawng ten an khelhna position luah tum theuh turin a duh.

Report in a tarlan dan chuan Fati, Gavi leh Gonzales te chu khawih danglam theih annih loh thu a tarlang a, FC Barcelona-ah hian regular takin an khel thei dawn niin a tarlang bawk.

Gavi

FC Barcelona lam hian an senior player thenkhat Marc-Andre ter Stegen, Gerard Pique, Jordi Alba leh Sergio Busquets te chungah rinna an nghat vak tawh lo niin an sawi bawk.

2022-23 season ah hian Barcelona player atang tute nge squad-ah la tel chhunzawm zel ang le?

Source SK

Related Posts

error: Content is protected !!