Barcelona in Arsenal forward Pierre-Emerick Aubameyang chu tun thla chhung ngeiin lak luh an tum deuh niin report in a tarlang. Aubameyang hian tun January transfer zawh hma ngeiin club chhuahsan a tum a ni, January transfer hi ni 31 ah a zovang.
The Times in a tarlan dan chuan Arsenal chuan Aubameyang hi Barcelona leh Sevilla lamah an offer niin a tarlang. Catalan club lian Barcelona chuan striker lak luh an tum ruh hle a, Juventus atang Alvaro Morata lak luh an tum hman a, mahse, Italian club lam hian zawrh chhuah an tum leh lo niin an sawi. Hei vang hian Catalan club lian Barca chuan Gunners captain hlui hi lak luh tumin an bei dawn niin an sawi bawk.
Sevilla lam hian Anthony Martial chu loan in an la lut tawh a, Barcelona hi Aubameyang la lut turin inringtawk viau mahse, Paris Saint-Germain, AC Milan leh Marseille te nen an inchuh dawn niin a lang.
Aubameyang hi Nikum December ni 7 atang khan Gunners tan a inlan leh tawh lova. A disciplinary that vak loh avangin a captain nihna pawh hlih thlak sak a ni. Hei vang hian kum 32 a upa hi Arsenal ah hunrei tak a cham chhunzawm zel a rinawm loh a ni.
Source SK