Transfer expert Fabrizio Romano chuan Barcelona in Chelsea defender Marcos Alonso an lakluh fel tep thu a tarlang.
Barcelona hian tun nipui transfer bazar tirlam atang tawh khan Chelsea defender pahnih Marcos Alonso leh Azpilicueta te lakluh tum in tan an la a, Blues lam hian an captain Azpilicueta an chelbeh theih laiin Marcos Alonso erawh in Camp Nou lama kaltir an pawi tilo niin a lang.
“Chelsea leh Cucurella te an inbiak fel hnuin Marcos Alonso transfer chungchangah Chelsea leh Barcelona te inbiakna a kaltluang em em a, Alonso hian thla hmasa lam daih tawh khan mimal takin Barca chu inremna a lo neihpui tawh a, tunah hian Camp Nou a pan teuh tawh hle” tiin Italian journalist Fabrizio Romano an Alonso transfer chungchang a sawi.
Alonso an Barcelona a zawm fel thei anih chuan tun nipui transfer bazar a Stamford Bridge atanga Camp Nou pan tu player pahnihna ani ang. A hma chiah hian Andreas Christensen chuan Barcelona a lo zawm fel tawh bawk.
Chelsea hian 2016 khan Fiorentina atangin Spanish defender Marcos Alonso hi an lalut a, hetih hunlaia Blues manager Antonio Conte an a hmang thiam nghal hle a, a season khatna ah Alonso hian Chelsea chu Premier League nomawi a chawipui nghe nghe.
