Barca in January transfer window-a chhuahtir tur an player 5 an thliar hrang – Report

Spanish club lian FC Barcelona chuan January transfer window inhawn hunah an inthianfai deuh dawn a ang, an player 5 te chhuahtir an tum dawn niin report in a tarlang. FC Barcelona in an player chhuahtir an tum te chu Samuel Umtiti, Luuk de Jong, Philippe Coutinho, Oscar Mingueza leh Sergino Dest te hi anni.

Samuel Umtiti

La Liga nomawi vawi 26 lai lo chawi tawhtu FC Barcelona chuan an manager hlui Ronald Koeman chu banin, club legend Xavi chu an head coach atan an la lut a. Xavi hian Barcelona chu level sang takah awmtir tum ruh viau mahse, tun thlengin an che tha hlei thei lo.

Kar hmasa lamah khan La Liga ah Real Betis an hneh lova, nizan maiah Bayern Munich chu 3-0 lai maiin an hneh lo bawk. Round of 16 an lut zo lova, kum 2001 hnu lamah group stage atang an tlak vawikhatna a ni.

Barcelona tan chuan nizan result kha a duhawm lo tak zet a, a bik tak Xavi tan pawh a duhawm lo a ni. Xavi hian Barcelona player lak luh leh hralh chhuah kawngah insiamrem nan January transfer window leh Summer transfer window hi a hman ngei a rinawm.

Philippe Coutinho
De jong

Sport in a tarlan dan chuan Xavi hian Samuel Umtiti, De Jong, Coutinho, Mingueza leh Dest te chu chhuah tir turin a thliar hrang tawh niin an tarlang. Tunah hian Barcelona lamin heng player duhtu an nghak mek niin an tarlang bawk.

Umtiti hi Barcelona player duh zingah a tel tawh lova, Xavi hnuaiah phei chuan minute 1 pawh ala khel rih lo. De Jong pawh hi long balls ah tha viau mahse, Xavi system nen a inmil lova, Coutinho pawh hi Xavi chuan a duh hle, mahse, Barcelona tan a hlawh a tam mah mah.

Oscar Mingueza

Oscar Mingueza hi Koeman hnuaiah khan a insiamrem hman a, mahse, La Masia graduate Xavi system nen a inmil lo, Dest erawh hi chu Xavi system angin a insiamrem thei maithei, mahse, Barcelona lamin chhuahtir an duh, a bik takin Dani Alves a rawn luh hnuah.

Dest hi chuan club duhtu a neih thuai a rinawm.

Sergino Dest

Source SK

Related Posts

error: Content is protected !!