Hriat angin Ballon d’Or hi France Football in kum tin an pe thin a, football player chawimawina sang ber anga sawi a ni. Cristiano Ronaldo leh Lionel Messi chuan kum 10 liamta chhung khan an dawng char char a, kum 2018 khan Luka Modric chuan dawng ve in an kal tluang lai a ti tawp.
2020 Ballon d’Or kha chu coronavirus avangin cancel a ni a, kha tih lai khan Lionel Messi leh Cristiano Ronaldo chu dawng tur zingah an langsar leh hle a, mahse, kumin Ballon d’Or ah erawh dawng tura rinkai an ni tawh lo.
2021 Ballon d’Or-ah mi thar kan hmu thut thei
Kuminah hian player che tha tak tak an awm nual. Bundesliga lamah Robert Lewandowski hi goal khung lamah a bon hle. Chutiang bawkin Chelsea star N’Golo Kante pawhin a that zia a pholang mawlh mawlh mai.
Kumin Ballon d’Or inchuh tur hi an hmuhnawm dawn hle. Sportskeeda chuan May 2021 Ballon d’Or power ranking a tarlanga kan rawn tarlang ve leh e.
10 Erling Haaland – Borussia Dortmund
9 Bruno Fernandes – Manchester United
8 Kevin De Bruyne – Manchester City
7 Harry Kane – Tottenham Hotspur
6 Ruben Dias – Manchester City
5 Cristiano Ronaldo – Juventus
4 Lionel Messi – Barcelona
3 Kylian Mbappe – Paris Saint-Germain
2 N’Golo Kante – Chelsea
1 Robert Lewandowski – Bayern Munich
Source Sportskeeda
Read More (Report: Juventus boss thar Allegri’an Man Utd star lak luh a duh)
Kan hriat angin Juventus chuan Massimiliano Allegri chu an coach atan an la lut leh a, Manchester United star Paul Pogba chu la lut tura a duhthusam a nih thu a sawi.
Allegri tan Juventus a enkawl vawi hnihna a ni a, Andrea Pirlo’an Juventus chu cup pahnih chawi puiin top 4-ah awmpui mahse, an manager atang an ban ta tho a ni.
Allegri hian Juventus chu season thar lo awm turah title lak pui ngei a tum dawn a, Juventus nena sawi zawm player te pawh an awm nuk. CalcioMercato tarlan dan chuan, Paul Pogba lak let leh chu duhthusam ber a nih thu an tarlang.
Paul Pogba’an Juventus chhuahsana Old Trafford a pan lai khan Allegri tho hian Juve kha a enkawl a, Man Utd lam hian £90 million laiin an la lut a, kum 2016-a player man to ber a ni.
Pogba agent Mino Raiola chuan kum hmasa kum tawp lam khan Juventus hi Pogba luhna a nih theih tur thu alo sawi tawh a, he thu hi French midfielder Pogba a hlimlo a ni tih an puan hnu lawka sawi chhuak a ni.
Kha season-ah khan Covid 19 leh hliamin a tih buai avangin Pogba pawh duh angin a start tha mang lova, mahse, thla tlemte liamta atang khan a position ngai rawn luah chho tan lehin a hlim ve deuh niin a lang.
Kum 28 a upa Paul Pogba hian Old Trafford lama contract a neih chu kum khat a la nei a, contract dang a sign belh leh dawn nge, a chhuahsan dawn tih erawh engmah a la hriat chian theih loh.
Source SL