Italian midfielder Jorginho hian football lama a career-ah kum that ber kum a hmang a, Ballon d’Or dawng tura rinkai ber pakhat a ni mek. Chelsea in Champions League nomawi an chawi theihnaah leh Italy in European championship nomawi an chawi theihnaah player pawimawh tak pakhat a ni.
Club leh Ram tana a chet that em avangin kumin Ballon d’Or dawng thei tura hmahruaitu pakhat a ni. Amah tantu leh Ballon d’Or a phu ber tia sawitu player leh fans lam atang pawhin mi tamtak an awm a ni.
Mi tamtakin Jorginho hi Ballon d’Or dawng turin an duh
Blues leh Azzurri tan Jorginho hi midfielder tha ber pakhat ani tih chu hai rual loh a ni. 2021-21 season tan tirh phat atang khan Jorginho hian UEFA Super Cup nomawi a chawi belh leh a ni.
Champions League leh Euro 2020-ah a chet that em avangin UEFA Men’s Footballer of the Year-ah thlan a ni. Italian midfielder hi mi tamtakin Ballon d’Or a dawn an ring a, dawng tura duhtu leh tantu pawh an thahnem hle.
Tun tumah hian Ballon d’Or dawng tura Jorginho duhtu mi 5 te kan rawn tarlang ve leh dawn a ni.
4 Emerson Palmieri
Emerson Palmieri hi Jorginho nen UEFA Champions League leh Euro 2020 nomawi chawi dun thei awmchhun a ni. Jorginho ang em emin left back hi a pawimawh vak lova, mahse, a khelh tawh chinah a che chhe lem lo a ni.
Kum 27 a upa Emerson hi Chelsea atang Olympique Lyon lamah loan in a khel mek a, Jorginho’an Ballon d’Or dawng se tih chu a duh hle niin a lang.
La Gazzetta dello Sport a hrilh dan chuan, “Donnarumma (tuna PSG goalkeeper) hian AC Milan tan thil ropui tak a ti. Keimah ang thovin, Jorginho hian engkimah hnehna a chang. Mahse, level sang takah season khat ai tam a khel a, Ballon d’Or hi a phu tak zet.” tiin Emerson chuan a sawi.
3 Fabio Capello
England National Team coach Fabio Capello hi Jorginho Ballon d’Or dawn ringtu pakhat a ni. Jorginho chu passing ah chauh a tha a ni lova, defensive lamah pawh a team tan a tih tur a hlen thu a sawi.
Jorginho chet dan ngaihtuahin a aia phu an awm lo thu Correire Dello Sport a hrilh.
“Rinhlel rual lovain Ballon d’Or hi a phu a ni, engkimah hnehna a chan vang chauh pawh ni lovin, an thlen tawh chinah player pawimawh tak a ni thei zel. Kum 2021 chhung hian amah khum theitu player dang ka hmu lo.” tiin a sawi.
2 Gianfranco Zola
Gianfranco Zola hi Chelsea legend a ni a. Blues tan match 301 lai maiah inlanin goal 75 a khung mai bakah assist vawi 20 a nei tling a ni. Stamford Bridge-ah kum 7 chhung hun a hmang ve hman. 2018-19 season khan Chelsea Assistant coach atan ruat a ni.
Kumin Ballon d’Or hi Jorginho’an dawng se tih chu a duh ber pakhat a ni. Zola chuan football khawvela mimal chawimawina hlu ber Ballon d’Or dawn chu a phu ber niin a sawi.
“Tunah hian player tha tak Messi chungchang kan sawi, ani pawh hian a vawikhatna atan a ram chu nomawi a chawi pui. Mahse, hei erawh hi chu ka sawi dawn lo.”
“Jorginho hi an hlan ang em? A phu ber a ni. A team tan a nghet em em a, Chelsea lama hun ka hman laia a awm hman kha chu ka vannei hle. Pitch ah eng thil nge a tih thin tih chu ka hria a ni.”
“A phu ber ang, a chet dan vang chauh pawh ni lovin, team tana mi tangkai tak a nih vang pawhin Ballon d’Or dawn chu a phu a ni.” tiin Jorginho chungchang a sawi.
1 Giorgio Chiellini
Italy national team captain Giorgio Chiellini hi kum 37 a upa ni tawh mahse, khawvel centre back tha ber pakhat a ni mek. Italy in Euro 2020 nomawi an chawi theihnaah khan player pawimawh tak pakhat a ni.
Chiellini hi Jorginho’an 2021 Ballon d’Or a dawn theihna tura tan tlattu pakhat a ni.
“A dawn theih ngei ka beisei, ka thian tha tak a ni a. He award hi a dawng a nih chuan dawng ve angah ka inngai.”
“Hnehna kan chan theihnaah khan a inrawlh reng thin a, hei hi kan thinlungah a cham reng tawh ang. Englai pawha ka ngaihtuah chu player tha tak a ni tih hi a ni. Training kan neih hmasak ber zawhah khan a that zia ka hre chiang nghal, engtiang chiaha tha nge a ni tih ka hria a, top player a nih zia ka hre bawk.”
“Technical takin quality a nei tha a, mi tamtakin Sarri hnuaiah chiah a khel thei ang tiin an sawi, mahse, khawiah pawh awmin tu hnuaiah pawh awm mahse, regular starter a ni thei zel. Ballon d’Or a dawn hi ka ring tak zet” tiin Chiellini chuan goal a hrilh.
source Sl