Italy leh Chelsea star Jorginho chuan Ballon d’Or chungchang sawiin, Ballon d’Or dawn theihna chance a neih thu leh season liam taah khan a aia nomawi chawi tam an awm loh tgu a sawi
Season liamtaah khan Jorginho hi Chelsea tan player pawimawh tak pakhat a ni. A vawi hnihna atan UEFA Champions League nomawi a chawi pui a, Italy chu 2020 European Championship nomawi a chawi pui bawk.
Argentina in Copa America 2021 nomawi an chawi tak avang khan Lionel Messi chu Ballon d’Or dawng thei tura rinkai ber pakhat a ni. Mahse, Jorginho chuan nomawi chawi tam dan atanga Ballon d’Or an pe dawn a nih chuan, a phu ber a inring.
“Kan vai mai hian dream kan nei vek” tiin Brazil born playmaker Jorginho chuan SporTv a hrilh.
” Mahse, dik takin ka awm ang, tehna atana an hman ang angah ka innghat anh.”
“Player talent nei tha chungchang kan sawi a nih chuan, khawvel player tha ber ka nilo tih ka hria. Mahse, titles atang an teh a nih chuan, tun season bikah kei aia hnehna chang tam an awm lo.”
“Engtin nge Lionel Messi, Neymar emaw C Ronaldo te nen ka inkhaikhin theih ringawt ang? An chet dan zawng zawng leh ka chet dan chu a inang lo hle. Mahse, ka sawi nawn leh ang, an teh danah a innghat.” Tiin Jorginho chuan a sawi.
Source Sl