Kan hriat angin kum 10 chhung teh meuh mai chu Lionel Messi leh C Ronaldo hian Ballon d’Or an lo dawng tawh a. Messi hi Kumin Ballon d’Or dawng tura rinkai ber pakhat a ni mek. Khawvel football tha ber pakhat a nih zia chu hai rual a ni lo.
2020-21 season khan Lionel Messi hi FC Barcelona leh Argentina tan player pawimawh tak a ni a. FC Barcelona tan khan attacking midfielder angin a khel a, Spanish football chu a thunun hneh hle kan ti thei awm e.
Ronald Koeman hnuaiah Lionel Messi hi captain niin, season liamtaah khan La Liga nomawi a chawi pui theilo a ni. 2020-21 season khan FC Barcelona tan all competion-ah match 47 chiah inlanin goal 38 a khung mai bakah assist vawi 14 a nei tling.
2020-21 season kha Barcelona chuan hun an hmang tha lo hle a, amaherawh chu Messi erawh a che tha ang reng hle. Messi hian Barcelona chu Copa del Rey nomawi erawh a chawi pui thei hram.
A ram tan COPA AMERICA nomawi a chawi tak avang khan Ballon d’Or dawng tura rinkai ber pakhat a ni
Kan sawi tawh angin kum 2021 ah hian Lionel Messi a che tha hle club leh ram tan match 49 a khelh atangin goal 40 lai a khung mai bakah assist 14 a nei tling. Hei mai bakah a ram tan history thar a siam a, hei vang hian mi tamtakin Ballon d’Or dawng tura an rin ber pakhat a ni mek.
Lionel Messi leh Argentina inzawm hnu hian international stage-ah hlawhtlinna an chang khat hle a. Mahse, Copa America 2021 ah erawh hlawhtlinna a chang thei hram. LIonel Messi tan leh Argentina tan chuan a hlu hle, a chhan chu kum 28 hnuah Copa America nomawi an chawi thei chauh a ni.
Copa America 2021 Tournament-ah khan Lionel Messi’an goal 4 a khung a, assist vawi 5 a nei tling bawk.
Tun season khelh mekah erawh Lionel Messi hi Paris Saint-Germain tan a che tha vak lova. Tunah hian hliam a nei mek a, kum dang a pha vak lo niin a lang. Hetihlai hian UEFA Champions League-ah erawh a che tha ang reng, Manchester City leh RB Leipzig chauh hmachhawn rih mahse, goal 3 a khung hman a ni.
Season hmasa khan Messi hian La Liga Pichichi award a dawng, Barcelona tan league match 35 a inlan atang goal 30 a khung a ni. Season hmasa lam a chet that em avang leh Argentina nomawi a chawi pui vang khan Kumin Ballon d’Or dawng tura ringtu an tam hle.
Source SL