Paris Saint-Germain (PSG) star Lionel Messi chuan 2021 Ballon d’Or Award dawng tur atana a vote tur player hming a sawi. Argentine hian PSG lama a teammate pahnih Neymar leh Kylian Mbappe te chu a vote ngei ngei tur thu a sawi.
Lionel Messi hian Bayern Munich striker Robert Lewandowski chungchang pawh a sawi a, tha takin kum a hmang, hetihlai hian Real Madrid star Karim Benzema hming pawh a sawi tel.
Ballon d’Or vawi 6 lai dawng tawhtu Lionel Messi hi France Football in kawmna an nei a, a vote tur chungchang a sawi.
‘Ka team atang hian player pahnih ka vote ngei ngei ang, chu chu Neymar leh Kylian hi anni. Chuan kum ropui taka hmang tu Robert Lewandowski pawhi ka vote bawk ang.” tiin Lionel Messi chuan France Football a hrilh.
“Karim Benzema pawh hian kum tha tak a hmang a ni.” tiin a sawi bawk.
Nimin lawkah khan France Football chuan 2021 Ballon d’Or shortlist mi 30 awmna a puangzar a. Lionel Messi pawh tel ve leh in, Crisitiano Ronaldo, Neymar, Kylian Mbappe, Robert Lewandowski, Karim Benzema leh Luka Modric te pawh hi list-ah an tel ve leh a ni.
Lionel Messi hi 2021 Ballon d’Or dawngtu tura rinkai ber pakhat a ni.
Lionel Messi hian July thla khan a ram Argentina chu Copa America nomawi a chawi pui a nih kha, kumin Ballon d’Or dawngtu tura rinkai ber pakhat a ni. Kum 34 a upa hi Copa America 2021 ah khan top scorer niin, Final-ah Brazil an hneh.
Lionel Meissi tan Copa America 2021 nomawi kha ram tana major trophy a chawi hmasak berna a ni. FC Barcelona tan pawh mimal takin a che tha hle, season hmasaah khan all competion ah Barcelona tan goal 38 lai a khung mai bakah assist vawi 14 a nei tling a ni. Hei mai bakah Barcelona chu Copa del Rey nomawi a chawi pui bawk.
Source SK