Austrian Grand Pri-a Reporter pakhat chuan Chelsea leh Germany striker Timo Werner chu Live TV Interview a neih pui a, mahse, thil duhawm lo tak pakhat a thleng.
Pathianni chawhnu lamah khan kum 25 a upa forward Timo Werner chuan F1 race, Drivers’ Championship, Styria-a neihchu a en ve a.
He event an neih lai vel hian Sky Sports presenter Natalie Pinkham chuan Timo Werner hi kohin, Red Bull Ring-ah interview a neih pui a, a biak hmasaknaah ti hian a sawi.
“Tunah hian ka kiangah Timo Werner a awm. Chelsea leh Germany goalkeeper, i tha maw?” tiin Natalie Pinkham chuan a sawi.
Timo Werner chuan hetia a sawi sual hi sawi lang lem lovin, interview chu a chhunzawm pui a, mahse, tlem chuan a react ve deuh a rinawm. ‘Ka tha, ka lawm e” tiin a chhang let.
Hetia Sky Sport presenter in a sawi sual takah chuan social media lamah a lar chak hle.
Natalie Pinkham-i chuan a tihsual hnu lakawh Tweeter lamah fiamthuin interview ka neih pui atang khan a position Forward atang goalkeeper-ah a thlak tih confirmed a ni e tiin a tweet a ni.
Kan hriat angin Chelsea chuan summer transfer hnuhnung berah khan RB Leipzig atangin Timo Werner hi an la lut a, mahse, Stamford Bridge lamah duh angin a che tha lo hle.
Stamford Bridge lama Werner hmalam hun sawi chungchangah Real Madrid manager thar Carlo Ancelotti chuan Germany international hi tun summer-ah hian Bernabeu lama lak luh a duh niin Spain report thenkhatin an tarlang.
Timo Werner hi player tha tak pakhat a ni a, mahse, duh angin ala che thei tlat lo. Season thar lo awm turah hi chuan a che tha deuh turah ngai ang.
Source SB