2021 Ballon d’Or award semna tur hun hi ala hla deuh rih. Mahse, Lionel Messi leh Cristiano Ronaldo hi dawng tura rinkai pahnih an rawn ni chho leh a ni. Hetihlai hian thla hmasa atangin player dang thenkhatte an rawn che tha ve leh a, dawng tur ber ala hriat chian theih loh.
Kumin Ballon d’Or ah hian major tournaments pahnih Copa America 2021 leh Euro 2020 atang player che tha a hriat theih dawn a ni. He tournament hi Ballon d’Or award sem turah a pawimawh viau a rinawm.
2021 Ballon d’Or a award boruak a sang chho zel
2021 Ballon d’Or award winner hre turin thla 3 ai tam hun a la duh rih a, season thar a bul tan that pawh a pawimawh viau a rinawm.
Ballon d’Or 2021 an sem hmain major trophies lak tur dang a awm tawh lova, mahse, season bul tan that erawh a pawimawh viau dawn niin a lang.
Sportskeeda chuan 2021 Ballon d’Or award dawng tura rnkai 5 te an rawn tarlang a, kan rawn tarlang ve leh dawn a ni.
5 Jorginho (Chelsea/Italy)
Jorginho tan eng kum nge ni ta! UEFA Champions League nomawi an chawi theihnaah player pawimawh tak pakhat a ni a, Euro 2020 nomawi an chawi theihnaah pawh Italy tan a pawimawh hle. Europe Trophy pawimawh tak pahnih club leh ram tana a chawi hnuin, 2021 Ballon d’Or award dawng thei tur zingah a rawn lang hlawl mai.
Amah Jorginho ngei pawhin a aia Ballon d’Or dawn phu an awm loh thu a sawi chhuak a, an tehna a zirin Ballon d’Or a dawn ngei a ring a ni.
4 Cristiano Ronaldo (Juventus/Portugal)
Cristiano Ronaldo hi a mimal takin goal khung lamah season liamta kha a hmang tha ang reng hle, Mahse, major trophies a chawi loh tak avang khan Ballon d’Or 2021 dawn theihna chance a nei tlem deuh kan ti thei ang.
Potuguese superstar C Ronaldo hian Serie A leh Euro 2020 khan Golden Boot a dawng ve ve a ni, Mahse, Juventus leh Portugal star tan hian Ballon d’Or vawi 6 na dawn chu a theih rih loh hmel.
Mahse, kum 36 a upa C Ronaldo hian goal khung lamah hma a sawn chhoh zel rih a, 2021/22 season tan tirh phat atanga a chet that viau chuan, he Ballon d’Or award dawn theihna chance hi ala nei thei rih a ni.
3 N’Golo Kante (Chelsea/France)
Chelsea in UEFA Champions League final an luh atang tawh khan N’Golo Kante hi 2021 Ballon d’Or dawng tura duhtu an tam hle. Mahse, Euro 2020 atang a ram France te an tlak hmat em avang khan he mimal chawimawina dawng tur hian chance a nei chhe leh hlek.
Khawvel defensive midfielder tha ber pakhat a ni a, UEFA Champions League final an luh theihna leh nomawi an chawi theihnaah khan player pawimawh tak pakhat a ni.
2 Robert Lewandowski (Bayern Munich/Poland)
Robert Lewandowski hi Bayern Munich tan goal khung lamah a duai lo hle. Mahse, Ballon d’Or 2021 dawng thei turin chance a nei chhe ve deuh hle.
Khawvel striker tha ber leh tling tlak ber pakhat a ni, season 2 liamta vel atang khan hma a sawn hle. Bundesliga season khata goal khung tam lamah Gerd Muller record hunrei tak midangin an khum theih loh kha a rawn khum daih a ni.
Kum 2020 Ballon d’Or kha cancel lo se chuan Robert Lewandowski hi dawng tura rinkai ber pakhat a ni a, mahse, kumin hian dawng thei tak ang maw?
1 Lionel Messi (Barcelona/Argentina)
Argentina superstar Lionel Messi’an Copa America 2021 nomawi a chawi hnuah, 2021 Ballon d’Or award dawng thei tura rinkai ber a ni mek. Lionel Messi hian a ram Argentina tan trophy vawikhatna chauh chawi rih mahse, vawi tamtak a ram tan player pawimawh ber alo ni thin tawh.
Lionel Messi hi Calendar year-a che tha ber a ni mek a, La Liga Golden Boot a dawn mai bakah Copa America tournament khelh zawh takah khan Golden Boot a dawn mai bakah Player of the Tournament atan Neymar nen thlan anni.
Kumin hian a vawi 7 na atan Ballon d’Or hi a dawng leh mai lovang maw?