Arsenal lama hmun luahlum vak thei tawh lo Pierre-Emerick Aubameyang duhtu European club 6 zingah FC Barcelona leh Paris Saint-Germain (PSG) pawh an tel ve niin The Daily Telegraph chuan a tarlang.
Gunners boss Mikel Arteta leh Aubameyang te karah buaina a awm niin a lang, captain nihna an hlih tlak sak mai bakah, Arteta team lamah a vakvai a ni. North London club Arsenal chuan tun thla chhung ngeiin kum 32 a upa Aubameyang hi hralh chhuak turin an inbuatsaih dawn niin an tarlang.
A hmaa source tarlan dan chuan, Aubameyang hi European club 6 lai maiin tun thla hian an duh niin a tarlang. AC Milan, Barcelona, Juventus, Marseille, Paris Saint-Germain leh Sevilla te hi Gabon international duhtu club te chu anni.
Tunah hian Arsenal lam pawhin Aubameyang chu European club dangah loan-a chhuahtir an tum a. Loan-a an chhuahtir thei a nih chuan tun season chhunga a hlawh tur zawng zawng kha thil dang atan an hmang thei dawn a ni.
Mahse, Aubameyang hi La Liga, Ligue 1 emaw Serie A lamah a che tha viau a nih chuan, Arsenal lam hian sawisel an hlau ve thova, Mahse, tuna a lan dan chuan tun thla tawp hma ngeiin Aubemayang hi an hralh chhuak ngei dawn niin a lang.
Borussia Dortmund player hlui hi club dangah a insawn dawn a nih pawhin transfer dan a zir zel a ni ang, entirnan, Barcelona hian Alvaro Morata lak luh an duh ve bawk. Chutiang bawkin Paris Saint-Germain lam pawhin Fiorentina hitman Dusan Vlahovic lak luh an duh ve bawk.
Source SK