Chelsea ngaihven mek Gabonese striker Pierre-Emerick Aubameyang chuan tun nipui transfer bazar ah Camp Nou chhuahsan tum na a neilo.
Barcelona in Bayern Munich atangin striker tha tak Robert Lewandowski an chhawm luh avangin Aubameyang dinhmun tur a chiang lo niin mi tam tak chuan an ngai. Kum 33 a upa Arsenal striker hlui erawh in Barcelona ah hmun chan tam tuma beih a duh a, Premier League lama kir leh duh na rilru a neilo.
Mundo Deportivo tarlan dan in January thlaa Barcelona pan tu Aubameyang chu club ah a la hlim rih. Tin, a lo khelhpui tawh thin Lewandowski nena an khel dun leh thei tur avanga a lawm thu Auba hian a lo sawi tawh bawk.
Barcelona hian tun nipui transfer bazar ah an player chhawr rim loh tur thenkhat chhuahtir an duh tih thawm a awm mek a, Memphis Depay hming a ring fal hle.
Depay hian season hmasa khan league game 28 a inlan atanga goal 12 khungin che tha thawkhat viau mahse tun nipui bazar ah Barcelona in forward tha pahnih Robert Lewandowski leh Raphinha te an lakluh avangin Dutch forward Memphis Depay chu season thara manager Xavi ruahmana ah a tel lo niin report chuan a tarlang.
Kum 28 a upa forward hi Manchester United, Chelsea leh Juventus te nena sawizawm mek anni.