Atletico Madrid lama kir leh Joao Felix an lawm a hlawh vak lova, academy player ho ruala training turah tih a ni.
Felix hian kumin January thla khan loan in Chelsea a zawm a, Blues tan hian beisei phak lovin inelna hrang hranga game 20 a inlan atangin goal 4 chauh a khung.
Chelsea a thlaruk duhawm fahran lo a hman hnuin Portuguese star hi Wanda Metropolitano ah a kir leh a, amaherawhchu lawm a hlawh tehchiam lo. Kum 23 a upa hi first team player ni mahse academy player ho ruala training zawm phawt tura tih a ni a, manager Diego Simeone chuan first team lama Felix a kir leh hma in hmaichhanah ngei inbiakna neihpui a duh nia report a ni. An inkar boruak a tha tehchiam lo nen, zilh deuh hlak a tum a ni mahna.
Atletico Madrid hian Felix hak thin jersey number 7 chu France star Antoine Griezmann hnenah an pe lo pe fel tawh bawk a, he an thil tih danah hian Felix hi a lawm lo hle nghe nghe a ni awm e.
Benfica forward hlui Felix hian kuminah club chhuahsan a rilruk a, Atletico lam pawhin an forward hi hralhchhuah an pawi ti lem lo. A buaithlak ta ber erawh Felix transfer fee tur hi a ni a, 2019 a Atletico in €126 million sêng a an lakluh hi holam tak chuan an chhuah dawn lo tawp.
Tun dinhmunah PSG chu Felix lakluh tum tu anni a, Ligue 1 champion manager thar Luis Enrique chuan Portuguese star hi a hmatawng tichak zual tura lakluh a duh.
Felix hian loan a thlaruk chhung a lo khelhna Chelsea chu a ngheta zawm a hreh hauh lova, amaherawhchu Blues in an hmatawng tichak zual tura Nicolas Jackson leh Christopher Nkunku te an lakluh tawh avangin a ngheta Felix lakluh tumna an nei lova, an chhuahtir ta nge nge anih hi.