Spanish club lian Atletico Madrid chuan Premier League player pahnih Adama Traore leh Caglar Soyuncu te an duh niin report chuan a tarlang.
Traore hian a khelh mêk na Wolverhampton ah tun season bak contract a nei tawh lova, contract thar a ziah loh hmel bawk avangin season tharah club dang a zawm thei dawn.
Spanish international hian a hnampuipa leh an manager ni bawk Julen Lopetegui kaihhruaina hnuaiah hun duhawm tak hmang mêk mahse an inhrawn rei tawh in a rinawm lo.
90 min tarlan danin Atletico Madrid chuan an squad tichak zual turin Leicester City centre back Caglar Soyuncu lakluh an tum dawn a, Adama Traore pawh free transfer a lakluh theih an inbeisei bawk.
Kum 27 a upa Traore hi Premier League club dang Tottenham Hotspur leh Leeds United te nen pawh a sawizawm ni mahse Laliga lama a kir leh a beiseiawm thung.
Traore hian 2021/22 season chawhnu lam khan loan in Barcelona a zawm a, Blaugrana tan game 17 inlan mahse goal erawh a khung lo thung. Barca lam chuan a ngheta lei theihna dan an tihpuitlin loh avangin Wolves lamah Troare hi a kir leh a ni.
Tun season ah Wolves tan Troare hian game 27 inlan tawh in goal 2 leh assist vawi 1 chauh a la thawkchhuak a, heng game 27 atanga game 15 lai mai chu substitution bench atanga dah luh a ni nghe nghe bawk.