Atletico Madrid hmachhawn chu harsa viau dawn mahse, United fans ten C Ronaldo an neih vangin an lawm

Manchester United chuan UEFA Champions League Round of 16 ah Paris Saint-Germain ni lovin Atletico Madrid an hmachhawn dawn a. Manchester United thiampuipa Cristiano Ronaldo hian Atletico Madrid lakah record a nei tha ang reng a, tun tumah hian an thinlung a ti na leh thei ang em?

Kum 1991 hnuah Manchester United in Atletico Madrid hi European competion ah an vawikhat hmachhawn lehna tur a ni a. United goalkeeper David de Gea pawhin kum 10 hnuah a club hlui a hmachhawn lehna tur a ni bawk.

Kan sawi tawh angin Cristiano Ronaldo hia Colcheneros lakah hian a che tha ang reng a, Atletico Madrid lakah goal 25 khung tawhin assist vawi 9 a nei tling tawh.

Ronaldo’an Diego Simeone team Atletico Madrid a hmachhawn hnuhnung berna chu Champions League round of 16 ah tho a ni a, kha tih lai khan Ronaldo chuan hattrick siamin Atletico Madrid hi an tla nghe nghe.

Atletico Madri hi Ronaldo goal khung theihna ti ila kan sawi sual awm love. Atletico Madrid hi hmachhawn harsa tur tak ni mahse, Manchester United te an inringtawk thawkhat viau. Twitter lamah an thu post hmuh tur a awm leh nuk mai.

“He draw pawh hi engmah loah kan chhuah leh thei mai ang em? A hma draw ai khan a harsa zawk dawn ani.” tiin Twitter hmangtu United fans pakhat chuan a tweet.

He match chungchanga tweet tu hi an tha hnem hle a, pakhat pawhin Atletico Madrid hmachhawn hi a awlsam dawn lo tiin a tweet ve a ni.

Atletico Madrid hmachhawn huphurhtu an awm laiin, thenkhat chuan Ronaldo kutah ATM hi a awm, ngaih ngam tak khan awm rawh u a ti ve bawk.

Manchester United fans thenkhat chua Masterclass Ronaldo an neih avangin an thla a muang.

Source Sportskeeda

Related Posts

error: Content is protected !!