Barcelona leh Atletico Madrid te chu French international Antonio Griezmann chungchangah an inrem fel thei dawn a, Atletico hian Griezmann chu man tlawm zawk £22 million in a nghetin an lalut thei ang.
France forward kum 31 a upa hi tun season ah a la inlan tam lo em em a, game tinah minute 25-30 inkar er awr bak a lut mang lo. Heihi a chhan ni bera lang chu Atletico lam hian Griezmann manah £40 million thehchhuah an tum loh vang a ni.
Atletico in Griezmann chu season hnih chhung loan a an hawh khan Barca nen inremsiamna an nei a, chu chu Atletico game zawng zawng ah Griezmann an 50% a khel tling anih chuan a ngheta an lakluh mai bakah Barca hnenah £40 million an pek a tul bawk ang.
He an inremsiamna hi Atletico lam chuan an hre khiau mai si a, chuvangin tun season kal mêk ah pawh Griezmann hi Atletico Madrid manager Diego Someone an minute 65 hnulamah a luhtir tlangpui. Heihi Atletico Madrid lam hotute ruahmanna ngei pawh niin a lang.
Forward nei tha Barcelona lam in an player Griezmann hi Camp Nou lama lakkir an tum chiah tawh lo bawk nen man tlawm zawka hralh mai an duh a, £22 million a lungawi an tum. Heihi Atletico Madrid lam pawh in an hnial hran lova, an loan striker Antonio Griezmann chu £22 million in an lalut hnai tih French chanchinbu lar L’Equipe chuan a tarlang.