Premier League club Aston Villa leh Bayer Leverkusen te chu Moussa Diaby chunchangah an inrem fel tawh a, French forward hian €60 million in Aston Villa a zawm ang.
Diaby hian Saudi lam atangin sawmna dawng ve bawk mahse a hnâwl a, chuti a hnekin khawvela league harsa bera ngaih mêk Premier League lam a pan dawn hlauh thung.
Aston Villa chuan kum 24 a upa forward hi kum 5 chhung daih tur contract an ziahpui dawn a, season tharah Diaby hian Europa Conference League a khel ang. Diaby hian tun atanga darkar 48 chhungin medical test bakah contract a ziah fel hman a rinawm bawk.
Paris a piang leh seilian Diaby hi Gunners lam pawhin hun engemaw chen an ngaihven hman anih kha, amaherawhchu a tawpah erawh Emirates Stadium lam nilovin Villa Park lamah a insuan dawn.
Diaby hi tun hnai kuma player thangduang pawl tak niin season thum liamta chhung khan hma a sawn hle a, Bayer Leverkusen tan inelna hrang hrangah game 113 inlanin goal 41 leh assist vawi 37 a thawkchhuak.
Hetih mêk lai hian Unai Emery hnuaiah Aston Villa in tha takin season an khar a, tunah hian pre season tour nei mêk in league tan hma in pre season friendly match ah Newcastle United, Fulham, Brentford, Lazio leh Valencia te hmachhawn tur an la hmabak.