Nizan Premiere League match Liverpool leh Aston Villa khelhah khan Mohamed Salah chuan penalty hlawhchhuakin chakna goal a khung a nih kha, hei hi Aston Villa manager Steven Gerrard’an a sawisel.
Anfield lamah Gerrard a kir lehnaah hian Liverpool lamin Aston Villa chu 1-0 in an hneh a, second half ah Mohamed Salah chuan penalty hmangin chakna goal a khung, mahse, Gerrard hi a hlim lo hle.
Mohamed Salah hian Tyrone Mings foul avangin penalty a hlawhchhuak a, mahse, Aston Villa boss Gerrard chuan Salah a foul hmasa zawk niin a sawi.
“An khelh dan tlangpuiah Liverpool hi a tha zawkin ka hria. An khelh dan style pawh keini aiin a tha zawk daih a, mahse, hun pawimawh takah anmahni chu tha tak takin kan dang thei.” tiin Aston Villa boss Gerrard chuan a sawi.
“Game hmuhnawm tak chu penalty hmangin chak zawk an awm ta a ni. Nizan game ah khan penalty kaihhnawih pahnih a awm a, Liverpool penalty hlawhchhuahna kha i en chuan Mings lakah Salah kha a foul hmasa zawk a ni.”
“Football matches a tlawm zawk nih chu englai pawhin pawm harsa tak a ni. Game kan khuahkhirh tih kan hria. Mahse, nizan inkhelhah khan game strong takin kan khar a, mahni inrintawkna kan neih phah a ni.”
“Engvangin nge Danny Ings kha foul an pek loh, chhanna ka duh ang tak zawhna annei a, mahse, tunah rih chuan chhanna ka la pe thei rih lo.”
Steven Gerrard chuan Mohamed Salah a foul hmasa zawk niin a ngai a, mahse, Referee khan en a tum lo.
“Mohamed Salah kha a foul hmasa zawk a, mahse, referee khan en let a tum lo.” tiin a sawi bawk.
Source SL