Arsenal manager hlui Arsene Wenger chuan 2020 UEFA European Championship khelh turah champion tura a rin ber a sawi.
Tun hnai khan Euro 2020 champion tur an zawt a, Wenger chuan a ram France chu an champion ngei a rin thu a sawi. France hi mi tamtakin Euro 2020 champion tura an rin ber pakhat a ni.
Didier Deschamps hian 1998-2000 a France in FIFA World Cup nomawi leh European Championship nomawi an chawi ang dinhmun kha a thlen pui leh thei dawn niin a lang.
“Chhan hrang hrang avangin France hi Euro 2020 ah rinkai ber an ni.” tiin Arsene Wenger chuan beIN Sports a hrilh.
“A bulpui berah chuan, Russia-ah khan World Cup nomawi an chawi tawh a nih kha.”
“France hi team naupang tha tak tak awmna a ni a, an la che sual vak lo. Hei vang hian tun tumah pawh an champion ngei ka ring.”
“Kylian Mbappe, Karim Benzema, Antoine Griezmann, Kingsley Coman leh player dang tha tak awmna hi kan suangtuah mah teh. Champion turah i ring lo thei lovang. Bench lama thu pawh an tha tak zet.”
“Khawi hmun pawha khel thei bench-ah an thu thup”
“France, Belgium, England te hi rinkai ber an ni hlawm a, Netherlands hi pawh hian chance tlem an nei.”
“France hi Europe champion tur zinga rinkai ber an ni a, kei pawhin midang zawng zawng chungah France hi ka dah ve a ni.” tiin Wenger chuan a ram France hi champion turah a ring ber.”
Source SL