Tun transfer window hi Arsenal tan pawh tih tur a awm nuk dawn niin a lang. 2020/21 season khelh zawh taka player che tha vaklo 9 lai mai ten Arsenal an chhuahsan thut thei a, hetihlai hian London club hian player 5 dang lak luh an tum ve dawn niin report in a tarlang.
2019/20 season kha Gunner lamin an khar tha hle a, Mikel Arteta’an Arsenal a enkawl season khatnaah FA Cup nomawi a chawi pui nghal a nih kha. Arteta hian Unai Emery chu Arsenal coach atan a thlak.
Season khelh zawh takah khan Arsenal chuan Community Shield an chawi leh a, mahse, hei hi an nomawi chawi theih hnuhnung ber a ni rih.
2020/21 season Premiere League-ah khan Mikel Arteta chuan Arsenal chu 8 na dinhmun a hauh pui a, League match 38 an khelh atangin vawi 18 chiah hnehna chang theiin, vawi 13 lai an chak lo a ni.
England transfer window hi June ni 9 atang khan an hawng tawh a, club lam hian an squad-a player te an thlak danglam ve deuh dawn niin a lang, Brazillian centre back David Luiz pawh free agent in a chhuak dawn tih club lamin an confirm tawh.
Football dot com in a tarlan dan chuan Arsenal mifielder Granit Xhaka pawhin Jose Mourinho club Roma tan kum 5 daih contract sign turin an inrem tawh niin a tarlang.
Sead Kolasinac pawh Germany club Schalke atang loan in a rawn kir leh tawh a, Bundesliga club hi an relegate avangin Kolasinac pawh hi lak hlen an tum lem lo. Emirates stadium chhuahsan tur zingah hian Matteo Guendouzi pawh a tel a, tun window ah hian a chhuah ngei rin a ni.
William Saliba, Hector Bellerin leh Lucas Torreira te pawh hi Arsenal atanga chhuak tur zingah an tel.
Arsenal player chhuak tura rin kai player 9
Exit list: Willian
Exit list: Martin Odegaard (Real Madrid)
Exit list: Granit Xhaka
Exit list: Hector Bellerin
Exit list: William Saliba
Exit list: Matteo Guendouzi
Exit list: Sead Kolasinac
Exit list: Emile Smith-Rowe
Exit list: David Luiz (confirmed)
Arsenal player lak luk tura rinkai 5 te
Potential signing: Ben White (Brighton & Hove Albion)
Potential signing: James Maddison (Leicester City)
Potential signing: Albert Sambi Lokonga (Anderlecht)
Exit list: Lucas Torreira
Potential signing: Aaron Ramsdale (Sheffield United)
Source SL