Arsenal player thar Fabio Vieira

Arsenal chuan FC Porto atangin Portuguese midfielder Fabio Vieira an lakluh fel thu an puang.

Kum 22 a upa Vieira hian Emirates Satdium ah kum 5 daih contract ziak in a man atan €35 million mai bakah a chet that dan a zirin €5 million pek belh theih ani ang.

Fabio Vieira hian nikum khan a club hlui Porto tan league game 27 a inlan atangin goal 6 leh assist vawi 14 a nei. Kum 2008 khan kum 8 mi niin Porto football academy a zawm a, kum 2020 ah first team squad ah telh ani.

Gunners head coach Mikel Arteta pawn an player lakluh thar chungchang sawiin,” Ani ang player thiam leh theihna nei sang tak kan hria a kan lalut thei hi a a lawmawm hle. Fabio hi player fing tak ani a, kan hmatawng lam a tichak zual sawt dawn tih hi ka hria ani” a ti.

Arsenal player thar Vieira hi a ram Portugal tan la inlan em lo mahse under 21 lamah erawh a ram tan match 21 a inlan atangin goal 13 a khung tawh. Tin, under 21 Euro hnuhnung berah player of the tournament lawmman a dawng nghe nghe bawk a ni.

Related Posts

error: Content is protected !!