Croatia leh Dinamo Zagreb defender thangduang Josip Sutalo chu European club thahnem takin an hel mêk a, chung zingah chuan Premier League club lian Arsenal pawh an tel.
Gunners in kumin nipui bazarah an squad thawmthat hna thawkin player pathum; Kai Havertz, Jurrien Timber leh Kai Havertz te an lalut tawh a, heng player pathum manah ringawt pawh £200 million aia tam an theh chhuak tawh!
Mikel Arteta a la duh tawk mai lo niin a lang a, a defense lam thawmtha turin Dinamo Zagreb defender Sutalo a ngaihven mêk. Kum 23 a upa defender hi Arsenal bakah Fulham, Napoli, Ajax, RB Leipzig leh Fiorentina te pawhin an ngaihven mêk tih Italy a report chuan a tarlang.
Sutalo hian season hmasa khan a team tan inelna hrang hrangah game 35 a inlan a, a ram Croatia tan Euro 2024 qualfier ah game hnih inlanin UEFA Under 21 championship ah game 8 a khel bawk.
Arsenal in Josip Satulo hi an lalut thei anih chuan an defender kawllai Rob Holding chu Emirates Stadium chhuahsan tura ngaih a ni. Holding hi Galatasaray in lâkluh an duh a, chutihrualin a man turah Arsenal nen an inrem thei mai lo.