Arsenal leh Newcastle te’n Grimaldo lakluh tum dawn

Barcelona lakluh tum Alex Grimaldo chu Premier League club pahnih Arsenal leh Newcastle United te’n January thlaah lakluh an tum dawn. Heng club hnih te hian January transfer window ah defense lam thawmthat an rilruk a, Grimaldo chu an mi duh a ni.

Daily Mirror tarlan dan in Estadio da Luz a tun season bak contract nei tawh lo Spanish left back hi Gunners leh Magpies te chuan an ngaihven reng a, a hma thei ang bera sengluh an duh.

Grimaldo hian Benfica a contract thar ziah tumna a nei tawh loh avangin to taka hralhchhuah theih a ni dawn lova, a man tur hi £8.5 million vel bak anih a rinawm lo. A tu ber pawh in chang se an hlawkpui ngeiin a rinawm.

Kum 26 a upa hian 2016 khan Camp Nou atangin Benfica a zawm a, Portuguese club tan hian player pawimawh a ni phak. Tunah erawh Catalonia lama kir leh a hnial lo ni te in thuthang a awm ve bawk mahse Premier League club lam thawm an nei lian fu mai.

Spanish international hi Benfica a season ruk leh a chanve a hman tawh atangin inelna hrang hrang ah game 259 a inlan tawh a, Primeira Liga nomawi vawi thum a chawi tawh bawk.

error: Content is protected !!