Arsenal leh Newcastle te inchuh tur Tielemans

Premier League club hausa Newcastle United chuan Arsenal lakluh tum Leicester City midfielder Youri Tielemans lakluh tum in hma an la dawn.

Kum 25 a upa hian King Power Stadium ah tun season bak contract a nei tawh lova, Foxes hotute’n contract thar ziak turin sawm mahse Tielemans hian Leicester a cham chhunzawm zel a tum lo.

Transfer bazar liamta khan Gunners chuan Belgium international hi lakluh an lo tum tawh a, mahse an tihlawhtling lo. Tin, Red Devils lam pawh in an lo hel tawh bawk. Heng club pahnih te’n Tielemans an lakluh loh chhan ber ni a lang chu Leicester lam in an midfielder mana an sum phut zat £25 million pek an tum loh vang a ni.

France chanchinbu Jeunes Footeux tarlan dan in Newcastle United hian tun thlasik bazar lo thleng turah Tielemans hi lakluh an tum dawn a, a manah £17 million thehchhuah an inhuam.

Leicester lam pawh hian nakkum June thlaa a thlawna chhuahtir ai chuan sum a chantir theih dan a ngaituah ngeiin a rinawm a, January transfer window a an hralhchhuak anih pawh in a awm lo hran lovang. 2019 a £40 million a Leicester zawmtu hian Champions League khelh a duh a, Magpies sawmna hi a pawm kher ang em tih erawh hriat a nilo.

Leicester hian thla hmasa khan Wesley Fofana chu Chelsea lamah an chan a, an goalkeeper Kasper Schmeichel pawh in Ligue 1 club Nice a pan bawk. Brendan Rodgers nau te hian tun season league match ruk an khelh atangin point 1 chauh an la hlawhchhuak a, table mawngphah an luah mek.

Related Posts

error: Content is protected !!