Arsenal in Lionel Messi an kawl ?- Ronaldinho

Kan hriat angin 2022/23 season bul hi Arteta leh Arsenal ten an tan tha hle anih kha. Premiere League match 7 an khelh tawh atang point 18 hlawhchhuak tawhin table hmahruaitu anni mek.

Arsenal in bul an rawn tan that em avangin khawvel hmun hrang hranga football fans te mak tih a tling a, a chhan pawh 2021/22 season khan top 4 an hauh pha lova, season an khar chhiat em vang a ni.

Amaherawhchu, tun summer transfer lai khan player tha la lutin, an la lut fuh ang reng hlawm. An lak luh zinga lar chu Manchester City star Oleksandr Zinchenko leh Gabriel Jesus hi anni.

Tun dinhmunah Gabriel Jesus hi a che tha ang reng a, Arsenal tan goal 7 lai maiah a inhnamhnawih mek. Brazilian legend Ronaldinho chuan Arsenal leh Arteta hian khawvel player tha ber tur an kawl mek niin a sawi.

Kum 2017 pawh khan AC Milan leh Barcelona star hlui Ronaldinho hian Gabriel Jesus chungchang ti hian alo sawi tawh. “Manchester City hian player special tak Gabriel Jesus annei a. Engtikniah emaw chuan khawvel player tha ber ala ang.” tiin Mirror Football a hrilh.

“Tun dinhmunah hian Messi a ni. Englai pawha ka sawi chu engtikniah emawh chuan Neymar ang ala ni ang tih hi a ni. Mahse, kum 19 chiah ala ni a, hmalam hun eng tak nei a ni.”

“Thil danglam tak thlentir thei turin theihna sang tak a nei a, kum naupang atanga bul tan Ronaldo, Kaka leh Neymar te huangah Gabriel hi a awm.” tiin a sawi.

Jesus tan Messi level ang thlen nan hun tamtak a duh dawn a, tun anga Arsenal tan a chet that chhoh zel a, nomawi te a chawipui thei zel anih chuan engtikniah emaw chuan khawvel player tha ber pakhat a ni ngei ang.

Source SB

Related Posts

error: Content is protected !!