Arsenal hi Premiere League history-ah team tha tak pakhat anni a, Arsenal hian club dang ai hmain world class superstar lak luh an lo tum hmasa thin a, hlawhtling takin tamtak an lo la lut tawh thin a ni. Mahse, tun tumah hian superstar lak luh an tum an lak luh leh si loh player 5 te kan rawn tarlang ve leh dawn a ni.
5 Eden Hazard
Eden Hazard’an Chelsea lama hun a hman chhung khan Arsenal tan chuan hling lian tak pakhat a ni. Stamford Bridge lama kum 7 hun a hman chhungin Arsenal lakah goal 7 khungin assist vawi 3 a nei tling hman. Chelsea in Eden Hazard an lak luh hma khan Gunnar lamin lak luh an lo tum tawh a, mahse, Belgian attacker hi an sirah an hnawl ta kha a ni.
4 Luis Suarez
Kum 2013 summer transfer lai khan Arsenal leh Luis Suarez hi sawi zawm anni a, Luis Suarez pawhin Arsenal chu pan a duh niin an sawi, mahse, an inhnukdawk leh a ni.
3 Zlatan Ibrahimovic
Zlatan Ibrahimovic pawh hi Arsenal lak luh tum world class player pakhat a ni. Kum 2000 summer transfer lai khan Ibra hian Arsenal chu zawm a tum ruh hle, mahse, rei vak lovah Malmo player a ni ta zawk.
A chanchin an sawi naah Ibrahimovic hian Arsenal training ground a tlawh a, Gunners manager hlui Arsene Wenger chuan Ibrahimovic chu training match khel ve turin a hrilh a, Zlatan hian hetianga audition neih chu a duh loh vangin a zawm ta lo niin an sawi.
2 Cristiano Ronaldo
Sporting CP rawlthar Cristiano Ronaldo lak tum zingah Arsenal hi che chhuak hmasa ber anni. Kum 2003 khan C Ronaldo pawhin Gunners training ground a tlawh ve a, Emirates Stadium lama luh chu a rilruk nghe nghe.
Mahse, hetia Arsenal zawm tumna rilru a neih lai mek hian Manchester United an rawn lang ta hlawl mai, Arsenal aiin offer an ti tha zawk a, Arsenal erawh an inhnukdawk ta a ni.
1 Lionel Messi
Lionel Messi hi kum 2003 a Arsenal manager Arsene Wenger’an FC Barcelona player a lak tum pathum zinga pakhat a ni. Mahse, Wenger’an Messi duh viau mahse, Camp Nou lamah awm chhunzawm a tum tak avangin Cesc Fabregas chiah a la lut thei ta a ni.
Source SK