Kan hriat angin Arsenal hi season tan tirh khan duh angin an che tha lo hle a, mahse, tunah erawh top 4 race-ah an tel pha tawh a ni. Mikel Arteta naute hi an khel tha ang reng a, football field chhungah inkhelh hmuhnawm tak chhawp chhuakin, player rawlthar tha tak tak an kawl fur bawk.
Tun January Transfer window inhawn lai hian Arsenal chuan an squad thawm that an tum dawn
Arsenal hian player thar lak luh an mamawh tak zet a, a bik takin centre forward leh defensive midfield an mamawhna a sang hle, Tun season Premiere League khelh mek Arsenal away game-ah centre forward atang goal ala lut lo a ni.
January transfer window hi Arsenal tan chuan insiamremna hun tha tak a ni a, Arteta leh a thawhpui te tan insiamremna tha tak a ni.
Tun tumah hian Arsenal player lak luh tum 5 te kan rawn tarlang ve leh dawn a ni.
5 Denis Zakaria (Borussia Monchengladbach)
Arsenal hian hunrei tak atang tawh khan Borussia Monchengladbach midfielder Denis Zakaria hi an lo duh tawh a, kum 2019 a Real Madrid atang Dani Ceballos an lak luh hma atang tawh khan Arsenal nen sawi zawm an lo ni tawh.
German outlet Fussball Transfers in a tarlan dan chuan Arsenal lamin contract chungchangah Borussia Monchengladbach an contact niin a tarlang.
Borussia Monchengladbach lama contract a neih hi tun summer lo awm turah hian a zo ve dawn a. A khelhna club lamin contract pawhsei sak an tum tawh loh thu an confirm ve bawk. An chhuahtir ngei dawn a, Arsenal hian an lak luh theih ngei a rinawm.
Kum 25 a Zakaria hi Manchester United lam pawhin lak luh an duh ve niin an sawi. Tun season khelh mekah Bundesliga match 15 a inlan atang goal 3 a khung a, assist vawi 1 a nei bawk.
4 Yves Bissouma (Brighton & Hove Albion)
Yves Bissouma hi Premiere League defensive midfielder tha ber pakhat a ni mek. Tunah hian Premiere League club lian hrang hrangin lak luh an duh a, Brighton-ah hian hunrei tak a cham a rinawm lo.
Brighton hian kum 25 a upa Yves Bissouma lak luh nan €59 million lai mai an lo seng a ni. Gunnars nen sawi zawm ni mahse, Bissouma duhtu zingah Manchester United lah Liverpool an lan ve avangin awlsam taka an lak luh theih a rinawm lo.
Tun season khelh mekah a che tha hle a, Premiere League player tackles nei tha ranking-ah palina dinhmun hauhtu a ni, tun season khelh mekah hian tackles vawi 50 lai a nei.
3 Bruno Guimaraes (Olympique Lyon)
Arsenal hian an midfield chungchangah plan thui tak an siam a ngai dawn niin a lang. Granit Xhaka hmalam hun pawh solve theih ala ni lova, Hetihlai hian Mohamed Elneny leh Ainsley Maitland-Niles ten club chhuahsan an tum ve bawk.
Bruno Guimaraes hi Mikel Arteta January transfer target lian ber pakhat a ni. Get French Football News, in a tarlan dan chuan Brazilian international leh Lyon te chu kawng 2 a inremna kal pui an tum niin a tarlang.
2 Arthur Melo (Juventus)
Arthur Melo hi FC Barcelona lama a khelh lai khan a che tha ang reng hle. Tunah hian Juventus tan khel mekin, a che chhe lem lo. Mahse, Juventus chhuahsan a rilruk niin an sawi a, Arsenal boss Mikel Arteta chuan lak luh dan a ngaihtuah niin an tarlang bawk.
1 Dusan Vlahovic (Fiorentina)
Arsenal hian centre forward an mamawhna a sang hle, Pierre-Emerick Aubameyang hi Arsenal lamah duh angin a nghet tawh lova. Alexandre Lacazette pawh goal khung lamah beisei a pha lo hle. Hei vang hian Arsenalin hunrei tak tur atan centre forward thar an mamawh a ni.
Fiorentina centre forward Dusan Vlahovic hi tun season khelh mekah a che tha ang reng a, Kum 2021 chhung khan goal 33 lai a khung tling a ni. Cristiano Ronaldo’an calendar year a Serie A goal khung tam ber record a neih chu a nih rual pui nghe nghe.
Kum 21 a upa Dusan Vlahovic hlutna hi €80 million vel niin an sawi. Mahse, January transfer chhung ngei hian Gunners lamin lak luh an tum dawn. Report thenkhat tarlan dan chuan summer transfer thleng Fiorentina-ah a khel dawn niin an sawi bawk.
Sourcek SK