Premier League inkhelah Arsenal chuan Emirates Stadium ah Bournemouth an lo mikhual a, team pahnihte inhnehtawk teuh hle mahse champion tum Gunners in hnehna an chang.
Billing leh Senesi te goal hmangin mikhual lam hian sihnih faiin hma an hruai phawt a, amaherawhchu Partey leh White te goal hmangin Arsenal in an siphurh an sût zo. Hun pêk belh minute 90+7 ah Nelson chuan Arsenal chakna goal a khung a, a team chu point 3 hlu tak a hlawhchhuah pui.
He match a substitution bench atanga dah luh Nelson chuan goal mai bakah assist a nei a, inkhel mualah darkar chanve vel chhung chauh tal hman mahse a thawhhlawk hle.
Gunners hian February 2012 a 5-2 a Tottenham Hotspur laka an comeback hnua league game a sihnih faia an hnufual tawh hnua hnehna an chan leh hmasak ber tum an tawng a, an tan zan chhinchhiahtlak a ni!
Bournemouth khan goal hnih khung turin Arsenal penalty box chhungah ball vawi 7 chiah an tawk! He tih hun chhung hian Gunners chuan Cherries penalty box chhungah ball vawi 77 zet an tawk hman thung.
2004 hnua league title chawi turin Arsenal dinhmun a tha zel a, league game 26 atanga point 63 hlawhchhuak tawh in pahnihna a awm City chu point 5 in an pel leh ta.
Gunners game leh tur hi UEFA Europa League round of 16 first leg niin Sporting CP an hmachhawn dawn a, Bournemouth lam hian league ah Liverpool an lo mikhual ve thung ang.