Tun hnaiah Arsenal hian hun harsa an hmang ani maithei, mahse, England club lian zinga pakhat an la ni reng, an history-ah player ropui tak tak an awm ve nual a, transfer history-ah pawh player man to an nei ve zeuh zeuh. Tun tumah hian Arsenal history bika player man to zual Top 5 te kan rawn tarlang ve leh dawn a ni.
Arsenal history-a player man to zual top 5 te chu
5. Thomas Partey (Atletico Madrid to Arsenal) – €50 million
Thomas Partey hi khawvel denfesive midfielder tha ber pakhat a ni, kum 2020 khan Atletico Madrid chhuahsanin Arsenal a pan a, kha tih lai khan mi tamtak a barakhaih nghe nghe.
Kum 28 a upa Partey’an Emirates lam a pan hnuah hliam neuh neuhin a ti buai tam hle a, duh ang pawh a che tha hlei thei lo a ni.
Arsenal chuan Atletico Madrid atang €50 million lai maiin an la lut.
4. Alexandre Lacazette (Lyon to Arsenal) – €53 Million
Alexandre Lacazette hi Arsenal chuan Lyon atangin an la lut a, Arsenal-ah hian season 4 chhung hun hmang tawhin, a chet dan a inpawlh ve nuk, chet that chang a nei a, chet that loh chang a nei bawk.
Gunnars tan Lacazette hian goal 65 a khung mek a, tun transfer window-ah hian chhuak tur angin an sawi mek.
3. Ben White (Borussia Dortmund to Arsenal) – €58 million
Tun hnaia Arsenal lak luh zinga man to ber pakhat a ni, Tunah hian Arsenal manager Mikel Arteta chuan season thar atan centre back thar lak luh a tum leh a, an player duh pakhat chu Brighton ami a ni.
Ben White hi tunah hian kum 23 a upa chauh ala nia, Gunnars tan a talent neih that zia a pholang zing hle, kum 10 lo awm turah pawh Arsenal rinrawl ber pakhat ani thei mai ang em?
2. Pierre-Emerick Aubameyang (Borussia Dortmund to Arsenal) – €63.8 million
Kum 2018 khan Arsenal chuan Borussia Dortmund atang Pierre-Emerick Aubameyang hi an la lut a, kha tih laia aman chu €63.8 million lai niin, Arsenal history-a player man to ber a ni. Aubameyang erawh a man to mahse, Arsenal tan a che tha ang reng hle.
Kum 32 a upa ni tawhin Arsenal tan goal 85 lai a khung tawh a, 2018/19 season-ah khan Goldd Boot a dawng bawk.
1. Nicolas Pepe (Lille to Arsenal) – €80 million
Kum 2019 khan Arsenal chuan an history-a player man to ber ni turin Lille atang Nicolas Pepe hi an la lut a, an lak luh laia a man chu €80 million a ni. Gunnars lamah hian a talent neih that zia ala pholang tlem hle.
Kum 26 a upa Nicalas Pepe hian Arsenal tan match 89 laiah inlan tawhin goal 24 a khung, season thar lo awm turah hian che tha viau tura ngaih a ni mek.
Source SB