Arsenal captain thar tur chungchanga Arteta thusawi

Kan hriat angin Arsenal chuan an captain nilai Pierre-Emerick Aubameyang chu captain nihna atang an hlip a, Arsenal hian captain thar an thlan a ngai dawn a ni.

Arsenal chuan an nungchang a that tawk loh avangin Pierre-Emerick Aubameyang chu an club captain
a nihna an hlihsak thu an puang.

Inrinni liamta a Arsenal-in Southampton an hmachhawn tum pawh khan Aubameyang hi squad-ah a awm tawh lova, tunkara West Ham an hmachhawn hunah pawh Aubameyang hi Arsenal squad-ah a awm dawn lo a ni.

Arsenal hian captain thar an ruat a ngai dawn a, tu nge an captain thar tur tih tun dinhmunah rinthiam
a har rih viau.

Granit Xhaka chu leader tha tak ni mahse Xhaka hi Unai Emery-a’n Arsenal a enkawl lai khan a captain nihna hlihsak a lo nih tawh avangin tuna captain nihna pek leh hi a rem chiahin a lang lo.

Alexandre Lacazette awm mahse, French striker hian tun season daih bak Arsenal-ah contract a nei tawh lova, nipuiah Arsenal chhuahsan a tum niin a lang a, hemi avang hian Arsenal chuan Lacazette hi an ruat a rinawm lova, mi tam tak chuan Kieran Tierney chu Arsenal captain thar a nih an ring fur a ni.

Arsenal Boss Mikel Arteta chuan captain thar chungchangah ti hian a tawng chhuak.

“Leadership group kan nei a, captain nominated tur player hrang hrang kan nei, game hnuhnung berah khan Lacazette chu a captain a, Granit Xhaka pawh kan nei a, captain thin a ni.” tiin a sawi.

Lacazette captain thar tura rinkai ber a ni.

Source Mirror Football

Related Posts

error: Content is protected !!