Pathianni zingah South America team tha pahnih Brazil leh Argentina chuan Copa America 2021 final an khel ang.
Champion lai Brazil hian nomawi hum an tum ruh hle a, hetihlaiin Argentina lam pawhin hunkal tawha an hlawhchhamna zawng zawng khuh bo turin hlawhtlin ngei an tum ve bawk. Game hmuhnawm tak a ni ngei ang.
Kum 34 a upa Lionel Messi tan Copa AMerica final hnuhnung ber pawh a ni tawh maithei. A vawikhatna atan Argentina major trophy chawi ngei a tum anga, a chawi thei a nih ngat chuan Messi tan thil ropui tak a ni dawn.
Team pahnih te hi Copa America 2021 ah an che tha hle a. Argentina lam atangin an captain Lionel Messi a che tha em em a, Brazil lam atang pawh Nerymar a che tha ve hle.
Thiantha pahnih hi Field chhung ngeiah an inhmachhawn dawn a, fans lam pawhin en an chak tawh hle. Team pahnihah hian player quality neitha tak tak an awm nual a, tun tumah hian Combined XI kan rawn tarlang ve leh dawn a ni.
Argentina leh Brazil hi Copa America 2019 semi final-a an intum hnuah a vawikhatna atan an intum leh dawn a ni. Kha tihlai khan Brazil lam chuan 2-0 in hnehna an chang.
Engpawhnise, a hnuaiah hian Argentina vs Brazil Combined XI kan rawn tarlang ve leh e.
Goalkeeper: Emiliano Martinez (Argentina)
Right-back: Danilo (Brazil)
Centre-back: Marquinhos (Brazil)
Centre-back: Thiago Silva (Brazil)
Left-back: Nicolas Tagliafico (Argentina)
Right Midfielder: Everton Ribeiro (Brazil)
Defensive Midfielder: Casemiro (Brazil)
Left Midfielder: Alejandro Gomez (Argentina)
Right Winger: Lionel Messi (Argentina)
Striker: Lautaro Martinez (Argentina)
Left Winger: Neymar (Brazil)
Source Sportskeeda