Copa America 2021 final ah hian America-a team strong ber pahnih Brazil leh Agentina an inhmachhawn dawn a, Pathianni zingah final an khel dawn a, hnehna chang zawk tur pawh hriat lawk a har khawp mai.
Copa America 2021 hi Copa America vawi 47 na niin, khawvel tournament-ah chuan a upa ber pawl a ni. FIFA World Cup ai pawhin a upa zawk tihna a nih chu. COVID 19 hri darh nasa lutuk avangin a vawikhatna atan an khar ve a nih kha. Nikum 2020 a khelh tur tih kha kuminah an khel ta zawk.
A pahnihnaah chuan Copa America 2020 hi Colombia leh Argentina a khelh tur tih a nih laiin, Pawlitical prawtest a awm vangin leh COVID 19 hri a pun hluai avangin Brazil ah sawn leh niin, Copa America 2021 tiha thlak a ni.
Kum 1993 hnu lamah a vawikhatna atan CONMEBOL chuan an federation a tawm lo team te COPA AMERICA an khel thei dawn niin an hriattir a, mahse, kum 2021 edition-ah erawh South American continent pawn lam atanga tel ram an awm rih lo.
Copa America 2021 final-ah hian team tha tak pahnih Brazil leh Argentina hi an inhmachhawn dawn a, anni hi an group-ah an che tha ber ve ve, Game 4 an khelh atangin point 10 lai an hlawhchhuak a, gal 2 chiah an chhuah a ni.
Brazil leh Argentina hi international football stage-ah inel ber pakhat anni a, All competion-ah vawi 100 ai tam an inhmachhawn tawh a ni. Hetah hian friendly match pawh a tel a ni. Tun tumah hian an game hnuhnung 5 an khelh tawhna kan rawn tarlang dawn a ni.
5 2010 FIFA World Cup Qualifier (Belo Horizonte) – Brazil 0:0 Argentina
2010 FIFA World Cup CONMEBOL qualifier match round 6 naah khan a vawikhatna atan Brazil leh Argentina an intum a nih kha.
Kha tih lai khan Argentina chu table ah Brazil aiin point hnihin an sang.
4 2010 FIFA World Cup Qualifier (Rosario) – Argentina 1:3 Brazil
3 2018 FIFA World Cup Qualifier (Buenos Aires) – Argentina 1:1 Brazil
2 2018 FIFA World Cup Qualifier (Belo Horizonte) – Brazil 3:0 Argentina
1 2019 Copa America Semi-final (Belo Horizonte) – Brazil 2:0 Argentina
Game 5 hnuhnung an khelah Brazil in vawi 3 lai hnehna an chang a, draw vawi 2 an nei.