Antony, Martinez leh Timber manah Ajax in engzah nge an chhiar?

Ajax winger Antony, defender Jurrien Timber leh Lisandro Martinez te chu tun nipui transfer bazar kal mek ah European club lian zawk te nena sawizawm an hlawh hle a, a bikin Premier League club Man Utd thawm a ring.

Ajax manager hlui Ten Hag an Old Trafford a pan hnuin a lo hrawn tawh players te enkawl leh tumin tan a la hle a, Antony leh Jurrien Timber te chu a squad tichak tu atan a duh. Heng hi ni mahse Armsterdam club Ajax lam chuan United nen indawrna an nei tha duh mang lo thung.

Eredivisie champion hian Ryan Gravenberch chu Bayern Munich lamah an chan tawh a, an striker Sebastien Haller pawn Borussia Dortmund a zawm hnai, sum lama buaina an nei hran loh avangin an player dang te chu hralh an tum tawh lem lo.

Man Utd erawh in Brazilian international Antony lakluh tumin tan an la nasa hle a, player manah sum tam tak insen an inhuam. Jurrien Timber a hma hun erawh a chiang lo thung. Report tarlan danin Netherlands international kum 21 a upa Timber hi manager Luis Van Gaal chuan club lian zawk zawm turin thurawn a pe.

Teleghraph tarlan danin Ajax in Antony an chan dawn anih chuan a manah euro 70 million Reds Devils hnen atangin an phut ang. Tin, an defender Jurrien Timber leh Lisandro Martinez manah euro 50 million ve ve an beisei bawk ang. An defender pahnih te hi Premier league club Arsenal leh Man Utd te nena sawizawm anni.

Related Posts

error: Content is protected !!